യേശുക്രിസ്‌തുവിൻ്റെ ജറുസലേം പ്രവേശനത്തെ അനുസ്‌മരിച്ച് ക്രൈസ്‌തവ വിശ്വാസികൾ ഭക്തിപൂർവ്വം ഓശാന ഞായർ ആചരിക്കുന്നു. വിശുദ്ധ വാരാചരണത്തിന് തുടക്കമിടുന്ന ഈ ദിനം ദേവാലയങ്ങളിൽ പ്രത്യേക പ്രാർഥനകളും കുരുത്തോല വെഞ്ചരിപ്പും പ്രദക്ഷിണങ്ങളും നടന്നത് ആഘോഷമായി മാറി. സംസ്ഥാനത്തെ വിവിധ ദേവാലയങ്ങളിൽ ഓശാന ഞായറിന്‍റെ പ്രത്യേക ചടങ്ങുകളും കുർബാനയും ആരംഭിച്ചു.

ബൈബിൾ പ്രകാരം, ക്രിസ്‌തു കുരിശിലേറ്റപ്പെടുന്നതിന് മുൻപ് കഴുതപ്പുറത്ത് ജറുസലേം നഗരത്തിലേക്ക് പ്രവേശിക്കുമ്പോൾ സാധാരണക്കാരായ ജനങ്ങൾ ഒലീവ് ഇലകളും ഈന്തപ്പനയോലകളും വഴിയിൽ വിരിച്ച് “ഓശാന, ദാവീദിൻ്റെ പുത്രന് ഓശാന” എന്ന് ആർപ്പുവിളിച്ച് സ്വീകരിച്ചതിൻ്റെ ഓർമ്മ പുതുക്കലാണ് ഓശാന ഞായർ.