ആധുനിക സാങ്കേതിക വിദ്യയ്ക്ക് നന്ദി! ബൈബിളിലെ പുതിയ നിയമത്തിലെ കാണാതായ 42 പേജുകൾ കണ്ടെടുത്തു

​അത്യാധുനിക സാങ്കേതികവിദ്യയുടെ സഹായത്തോടെ ആറാം നൂറ്റാണ്ടിലെ പ്രശസ്തമായ ബൈബിൾ കയ്യെഴുത്തുപ്രതിയായ ‘കോഡെക്സ് എച്ചി’ ലെ കാണാതായ 42 പേജുകൾ ഗവേഷകർ വീണ്ടെടുത്തു.

ഗ്ലാസ്‌ഗോ സർവകലാശാലയിലെ പ്രൊഫസർ ഗാരിക് വി. അല്ലന്റെ നേതൃത്വത്തിലുള്ള സംഘമാണ് ഈ കണ്ടെത്തലിന് പിന്നിൽ. വിശുദ്ധ പൗലോസ് അപ്പോസ്തലന്റെ ലേഖനങ്ങളുടെ ആറാം നൂറ്റാണ്ടിലെ പകർപ്പാണ് ഈ പുരാതന ഗ്രന്ഥം. ​പതിമൂന്നാം നൂറ്റാണ്ടിൽ ഗ്രീസിലെ മൗണ്ട് ആത്തോസിലുള്ള ഗ്രേറ്റ് ലാവ്ര മൊണാസ്ട്രിയിൽ വച്ച് ഈ ഗ്രന്ഥം വിഘടിപ്പിക്കപ്പെടുകയും താളുകൾ മറ്റ് പുസ്തകങ്ങളുടെ ബൈൻഡിംഗിനായി ഉപയോഗിക്കുകയും ചെയ്തിരുന്നു. ഇതേത്തുടർന്ന് ഇതിന്റെ ഭാഗങ്ങൾ യൂറോപ്പിലെ വിവിധ ലൈബ്രറികളിലായി ചിതറിക്കിടക്കുകയായിരുന്നു.

​തിരിച്ചറിഞ്ഞത് ‘മിറർ ഇഫക്റ്റിലൂടെ’ മറ്റൊരു ആവശ്യത്തിനായി ഈ താളുകൾ ഉപയോഗിച്ചപ്പോൾ അതിലെ മഷിയിലുണ്ടായ രാസപ്രവർത്തനം മൂലം പേജുകളിലെ അക്ഷരങ്ങളുടെ നിഴലുകൾ പതിഞ്ഞിരുന്നു. ‘മൾട്ടിസ്പെക്ട്രൽ ഇമേജിംഗ്’ എന്ന നൂതന വിദ്യയിലൂടെയാണ് നഗ്നനേത്രങ്ങൾ കൊണ്ട് കാണാൻ കഴിയാത്ത ഈ അക്ഷരങ്ങൾ ഗവേഷകർ വായിച്ചെടുത്തത്. പാരീസിൽ വച്ച് നടത്തിയ റേഡിയോ കാർബൺ ഡേറ്റിംഗിലൂടെ ഇവ ആറാം നൂറ്റാണ്ടിലേതാണെന്ന് സ്ഥിരീകരിച്ചിട്ടുണ്ട്.