പുനർജനി പദ്ധതി, വി ഡി സതീശനെതിരെ സിബിഐ അന്വേഷണത്തിന് ശുപാർശ
 

തിരുവനന്തപുരം: പുനർജനി പദ്ധതിപ്രതിപക്ഷ നേതാവ് വി.ഡി. സതീശനെതിരെ സിബിഐ അന്വേഷണത്തിന് ശുപാർശ. വിജിലൻസ് റിപ്പോർട്ട് മുഖ്യമന്ത്രിക്ക് കൈമാറി. 2018 ലെ പ്രളയ ബാധിതരെ സഹായിക്കാൻ പറവൂർ മണ്ഡലത്തിൽ വി.ഡി സതീശൻ ആവിഷ്കരിച്ച പദ്ധതിയാണ് പുനർജനി.

പദ്ധതി നടപ്പിലാക്കാൻ വിദേശത്ത് നിന്ന് അനധികൃതമായി പണം സ്വീകരിച്ചുവെന്ന ആരോപണം ഉയർന്നിരുന്നു. പിന്നാലെ ബർമിങ്ഹാമിലെത്തി പണം പിരിച്ചെന്ന് വി.ഡി. സതീശൻ സമ്മതിക്കുകയും ചെയ്തിരുന്നു. പിന്നാലെയാണ് അന്വേഷണം ആരംഭിച്ചത്.

സതീശന് വിദേശത്ത് പണപ്പിരിവ് നടത്താൻ അനുമതിയില്ലെന്ന് വ്യക്തമാക്കുന്ന വിവരാവകാശ രേഖകൾ, വിജിലൻസ് അന്വേഷണം നിർദേശിച്ച് സിബിഐ നൽകിയ കത്ത്, വിജിലൻസിന് നൽകിയ പരാതികൾ, സ്വീകരിച്ച തുടർനടപടികൾ, കത്തിടപാടുകൾ എന്നിവ ഇഡിക്ക് കൈമാറിയിരുന്നു.