ക​ന്യാ​സ്ത്രീകളു​ടെ അറസ്റ്റ്: മോദി സർക്കാറിന്റെ പരോക്ഷ പിന്തുണ ഉണ്ടെന്ന് സംശയമെന്ന് ഓർത്തഡോക്സ്​ സഭ; ‘അടുത്ത കേക്കും കൊണ്ട് വരട്ടെ, അപ്പോൾ നോക്കാം

കോ​ട്ട​യം: ക്രൈ​സ്ത​വ​സ​ഭ​ക​ളു​ടെ സാ​മൂ​ഹി​ക​സേ​വ​ന​ങ്ങ​ളെ താ​ഴ്ത്തി​ക്കെ​ട്ടാ​നു​ള്ള ബോ​ധ​പൂ​ർ​വ്വ​മാ​യ ശ്ര​മ​മാ​ണ് ഛത്തീ​സ്ഗ​ഢ്​ സം​ഭ​വ​മെ​ന്ന് മ​ല​ങ്ക​ര ഓ​ർ​ത്ത​ഡോ​ക്സ് സു​റി​യാ​നി സ​ഭാ​ധ്യ​ക്ഷ​നും മ​ല​ങ്ക​ര മെ​ത്രാ​പ്പോ​ലീ​ത്താ​യു​മാ​യ ബ​സേ​ലി​യോ​സ് മാ​ർ​ത്തോ​മ്മാ മാ​ത്യൂ​സ് തൃ​തീ​യ​ൻ കാ​തോ​ലി​ക്കാ ബാ​വാ.

ഭ​ര​ണ​ഘ​ട​ന ഉ​റ​പ്പു ന​ൽ​കു​ന്ന മ​ത​സ്വാ​ത​ന്ത്ര്യ​ത്തി​ന് നേ​രെ​യു​ള്ള ക​ട​ന്നു​ക​യ​റ്റം അ​നു​വ​ദി​ക്കാ​നാ​കി​ല്ല. തീ​വ്ര​മ​ത​സം​ഘ​ട​ന​ക​ളെ നി​രോ​ധി​ക്ക​ണം. നി​യ​മം കൈ​യ്യി​ലെ​ടു​ത്ത അ​ക്ര​മി​ക​ളെ നി​യ​മ​ത്തി​ന് മു​ന്നി​ൽ കൊ​ണ്ടു​വ​ന്ന് മാ​തൃ​കാ​പ​ര​മാ​യി ശി​ക്ഷി​ക്കാ​ൻ കേ​ന്ദ്ര സ​ർ​ക്കാ​ർ ത​യാ​റാ​ക​ണം. ക​ന്യാ​സ്ത്രീ​ക​ൾ​ക്ക് നേ​രെ​യു​ണ്ടാ​യ ന​ട​പ​ടി മ​തേ​ത​ര ജ​നാ​ധി​പ​ത്യ രാ​ഷ്ട്ര​മാ​യ ഇ​ന്ത്യ​ക്ക്​ ഭൂ​ഷ​ണ​മ​ല്ലെ​ന്നും കാ​തോ​ലി​ക്കാ ബാ​വാ പ​റ​ഞ്ഞു. ക​ന്യാ​സ്ത്രീ​ക​ൾ​ക്ക് പി​ന്തു​ണ പ്ര​ഖ്യാ​പി​ച്ച് സ​ഭാ ആ​സ്ഥാ​ന​മാ​യ ദേ​വ​ലോ​കം കാ​തോ​ലി​ക്കേ​റ്റ് അ​ര​മ​ന​യി​ൽ സം​ഘ​ടി​പ്പി​ച്ച ഐ​ക്യ​ദാ​ർ​ഢ്യ പ്ര​ഖ്യാ​പ​ന സ​ദ​സ്സി​ൽ സം​സാ​രി​ക്കു​ക​യാ​യി​രു​ന്നു സ​ഭാ​ധ്യ​ക്ഷ​ൻ.

ക്രൈ​സ്ത​വ​സ​ഭ​ക​ൾ സ്ഥാ​പി​ച്ച വി​ദ്യാ​ല​യ​ങ്ങ​ളി​ൽ പ​ഠി​ച്ചു​വ​ള​ർ​ന്ന​യാ​ളാ​ണ് ഛത്തീ​സ്ഗ​ഢ്​ മു​ഖ്യ​മ​ന്ത്രി​യെ​ന്നാ​ണ് മ​ന​സി​ലാ​ക്കു​ന്ന​ത്. അ​ങ്ങ​നെ​യൊ​രാ​ൾ ത​ന്നെ ക​ന്യാ​സ്ത്രീ​ക​ളെ കൈ​യ്യാ​മം വെ​ക്കാ​ൻ കൂ​ട്ടു​നി​ൽ​ക്കു​ന്നു എ​ന്ന് കേ​ൾ​ക്കു​ന്ന​ത് വി​ഷ​മ​ക​ര​മാ​ണ്. ഒ​രു​വ​ശ​ത്ത് പ്രീ​ണ​ന​വും മ​റു​വ​ശ​ത്ത് പീ​ഡ​ന​വും എ​ന്ന​ത് ര​ണ്ട് വ​ള്ള​ത്തി​ൽ കാ​ൽ ച​വി​ട്ടു​ന്ന നി​ല​പാ​ടാ​ണ്.

ഇതിന് മോദി സർക്കാറിന്റെ പരോക്ഷ പിന്തുണ ഉ​ണ്ടോ എന്ന് സംശയമുണ്ട്. മോദികേ​ന്ദ്ര​സ​ർ​ക്കാ​രി​ന് തീ​വ്ര​മ​ത​സം​ഘ​ട​ന​ക​ളെ നി​യ​ന്ത്രി​ക്കാ​ൻ ക​ഴി​യാ​തെ​യാ​യോ എ​ന്ന് സം​ശ​യി​ക്കേ​ണ്ടി​യി​രി​ക്കു​ന്നു. ഒരുദിവസം ​കൊണ്ട് ലോകം അവസാനിക്കില്ലല്ലോ. അടുത്ത ക്രിസ്മസിന് കേക്കും കൊണ്ട് വരട്ടെ, അപ്പോൾ നോക്കാം. നി​ല​പാ​ട് സ​ത്യ​സ​ന്ധ​മെ​ങ്കി​ൽ ക​ന്യാ​സ്ത്രീ വി​ഷ​യ​ത്തി​ൽ കേ​ന്ദ്ര​സ​ർ​ക്കാ​ർ നീ​തി​പൂ​ർ​വ്വ സ​മീ​പ​നം സ്വീ​ക​രി​ക്കു​മെ​ന്നാ​ണ് മ​ല​ങ്ക​ര​സ​ഭ പ്ര​തീ​ക്ഷി​ക്കു​ന്ന​തെ​ന്നും കാ​തോ​ലി​ക്കാ ബാ​വാ കൂ​ട്ടി​ച്ചേ​ർ​ത്തു.

എ​പ്പി​സ്ക്കോ​പ്പ​ൽ സു​ന്ന​ഹ​ദോ​സ് സെ​ക്ര​ട്ട​റി ഡോ.​യൂ​ഹാ​നോ​ൻ മാ​ർ ക്രി​സോ​സ്റ്റ​മോ​സ്, ഡോ. ​തോ​മ​സ് മാ​ര്‍ അ​ത്താ​നാ​സി​യോ​സ്, കു​റി​യാ​ക്കോ​സ് മാ​ര്‍ ക്ലി​മീ​സ് വ​ലി​യ മെ​ത്രാ​പ്പോ​ലീ​ത്താ, ഗീ​വ​ര്‍ഗീ​സ് മാ​ര്‍ കൂ​റീ​ലോ​സ്, സ​ഖ​റി​യാ മാ​ര്‍ നി​ക്കോ​ളോ​വോ​സ്, ഡോ. ​യാ​ക്കോ​ബ് മാ​ര്‍ ഐ​റേ​നി​യ​സ്, ഡോ. ​ഗ​ബ്രി​യേ​ല്‍ മാ​ര്‍ ഗ്രീ​ഗോ​റി​യോ​സ്, യൂ​ഹാ​നോ​ന്‍ മാ​ര്‍ പോ​ളി​ക്കാ​ര്‍പ്പോ​സ്, മാ​ത്യൂ​സ് മാ​ര്‍ തേ​വോ​ദോ​സി​യോ​സ്, ഡോ. ​ജോ​സ​ഫ് മാ​ര്‍ ദീ​വ​ന്നാ​സി​യോ​സ്, ഏ​ബ്ര​ഹാം മാ​ര്‍ എ​പ്പി​ഫാ​നി​യോ​സ്, ഡോ. ​മാ​ത്യൂ​സ് മാ​ര്‍ തീ​മോ​ത്തി​യോ​സ്, അ​ല​ക്‌​സി​യോ​സ് മാ​ര്‍ യൗ​സേ​ബി​യോ​സ്, ഡോ. ​യൂ​ഹാ​നോ​ന്‍ മാ​ര്‍ ദീ​യ​സ്‌​കോ​റോ​സ്, ഡോ. ​യൂ​ഹാ​നോ​ന്‍ മാ​ര്‍ ദി​മെ​ത്രി​യോ​സ്, ഡോ. ​യൂ​ഹാ​നോ​ന്‍ മാ​ര്‍ തേ​വോ​ദോ​റോ​സ്, യാ​ക്കോ​ബ് മാ​ര്‍ ഏ​ലി​യാ​സ്, ഡോ. ​ജോ​ഷ്വാ മാ​ര്‍ നി​ക്കോ​ദീ​മോ​സ്, ഡോ. ​സ​ഖ​റി​യാ​സ് മാ​ര്‍ അ​പ്രേം തുടങ്ങിയവർ​ സ​ദ​സി​ൽ പ​ങ്കെ​ടു​ത്തു.