അതിവേഗ റെയിൽ പദ്ധതി കേരളത്തിന് വേണം, ആര് കൊണ്ടുവന്നാലും സ്വാഗതം ചെയ്യും- എം വി ഗോവിന്ദൻ

തിരുവനന്തപുരം: കേരളത്തിന്റെ വികസനത്തിന് അതിവേഗ റെയിൽ പദ്ധതി അനിവാര്യമാണെന്നും അതിനെ സി.പി.ഐ.എം എതിർക്കില്ലെന്നും പാർട്ടി സംസ്ഥാന സെക്രട്ടറി എം.വി. ഗോവിന്ദൻ. തങ്ങൾ അധികാരത്തിൽ നിന്ന് പോയി എന്ന് കരുതി നാടിന് ഗുണം ചെയ്യുന്ന വികസന പദ്ധതികളെ തള്ളിക്കളയില്ലെന്നും അദ്ദേഹം വ്യക്തമാക്കി. യു.ഡി.എഫ് സർക്കാർ പ്രഖ്യാപിക്കുന്ന വികസന പദ്ധതികൾ വെറും പ്രചാരണത്തിന് വേണ്ടി മാത്രമുള്ളതാണെന്നും അദ്ദേഹം കുറ്റപ്പെടുത്തി.

ഇടതുപക്ഷ സർക്കാർ മുൻകൈയെടുത്ത് കൊണ്ടുവന്ന കെ-റെയിൽ (K-Rail) പദ്ധതി വേണ്ടെന്ന് വെച്ചതിന് യു.ഡി.എഫ് സർക്കാർ കേരളത്തിലെ ജനങ്ങളോട് മാപ്പ് പറയണമെന്ന് എം.വി. ഗോവിന്ദൻ ആവശ്യപ്പെട്ടു. വികസനത്തിന്റെ കാര്യത്തിൽ രാഷ്ട്രീയമില്ലെന്നും ആര് വികസന പദ്ധതി പ്രഖ്യാപിച്ചാലും സി.പി.ഐ.എം അതിന് പൂർണ്ണ പിന്തുണ നൽകുമെന്നും അദ്ദേഹം കൂട്ടിച്ചേർത്തു. എന്നാൽ, മുൻപ് ഇടതു സർക്കാർ കൊണ്ടുവന്ന കെ-റെയിൽ പദ്ധതി റദ്ദാക്കിയത് എന്തിനാണെന്ന് വ്യക്തമാക്കാൻ യു.ഡി.എഫ് തയ്യാറാകണം.

നേരത്തെ വി.ഡി. സതീശൻ സർക്കാർ അധികാരമേറ്റയുടൻ ഇടതു സർക്കാരിന്റെ സ്വപ്ന പദ്ധതിയായ കെ-റെയിൽ പദ്ധതി റദ്ദാക്കിയിരുന്നു. ഇതിന്റെ ഭാഗമായി പദ്ധതിക്കായി സ്ഥാപിച്ച മഞ്ഞക്കുറ്റികൾ അടിയന്തരമായി മാറ്റാൻ റവന്യൂ വകുപ്പിന് സർക്കാർ നിർദ്ദേശവും നൽകിയിരുന്നു. ഈ പശ്ചാത്തലത്തിലാണ് വികസന പദ്ധതികളെ സി.പി.ഐ.എം അന്ധമായി എതിർക്കില്ലെന്ന നിലപാടുമായി എം.വി. ഗോവിന്ദൻ രംഗത്തെത്തിയത്.