ഇറാന് സംഘര്ഷം: യൂറോപ്പിലേക്കും നോര്ത്ത് അമേരിക്കയിലേക്കുമുള്ള വിമാനസര്വീസുകളും തടസപ്പെട്ടു; ആകെ 450ലേറെ വിമാന സര്വീസുകള് ഇന്ന് മുടങ്ങി
ഇറാന് സംഘര്ഷ പശ്ചാത്തലത്തില് രാജ്യത്തെ 450ലേറെ വിമാന സര്വീസുകള് ഇന്ന് തടസപ്പെട്ടു. ഗള്ഫ് രാജ്യങ്ങളിലേക്കുള്ള വിമാന സര്വീസുകളാണ് കൂടുതലായി മുടങ്ങിയത്.
യൂറോപ്പിലേക്കും നോര്ത്ത് അമേരിക്കയിലേക്കുമുള്ള 50 സര്വീസുകളും റദ്ദാക്കിയതായി അറിയിപ്പുണ്ട്. യാത്രക്കാര് വിമാനത്താവളത്തിലേക്ക് പുറപ്പെടും മുമ്പ് വിമാനക്കമ്പനിയുമായി ബന്ധപ്പെട്ട് സര്വീസ് ഉണ്ടെന്ന് ഉറപ്പുവരുത്തണമെന്നാണ് അധികൃതര് നല്കുന്ന നിര്ദേശം.
11 രാജ്യങ്ങളെ ഡിജിസിഎ ഹൈ റിസ്ക് എന്ന് പട്ടികപ്പെടുത്തിയിട്ടുണ്ട്. ഇറാന്, ഇസ്രയേല്, ലെബനന്, സൗദി അറേബ്യ, ബഹ്റൈന്, ഒമാന്, ജോര്ദന്, ഇറാഖ്, കുവൈത്ത്, യുഎഇ, ഖത്തര് തുടങ്ങിയ രാജ്യങ്ങളെയാണ് അപകടസാധ്യത മേഖലകളായി കണക്കാക്കിയിരിക്കുന്നത്. ഇറാഖ്, കുവൈത്ത്, ജോര്ദാന്, ബഹ്റൈന്, സിറിയ, ഖത്തര്, യുഎഇ തുടങ്ങിയ രാജ്യങ്ങളുടെ വ്യോമപാതകള് പൂര്ണമായോ ഭാഗികമായോ അടച്ചുകഴിഞ്ഞു.