പ്രതിരോധ രംഗത്ത് പുതുചരിത്രം കുറിച്ച് ഇന്ത്യ; അഗ്നി-പ്രൈം മിസൈൽ പരീക്ഷണം വിജയകരം

പ്രതിരോധ രംഗത്ത് ഇന്ത്യയുടെ പുതു ചരിത്രം.അഗ്നി-പ്രൈം മിസൈൽ പരീക്ഷണം വിജയകരമെന്ന് എന്ന് ഡിആർഡിഒ അറിയിച്ചു. ട്രെയിന് കോച്ചില് നിന്ന് ഇന്ത്യ നടത്തിയ ആദ്യ മിസൈല് പരീക്ഷണമാണ് വിജയം കണ്ടത്. 2,000 കിലോമീറ്റര് പ്രഹരശേഷിയില് ചൈനയും പാകിസ്ഥാനും താണ്ടാൻ കരുത്തുള്ള അത്യാധുനിക ഇന്റര്മീഡിയേറ്റ്-റേഞ്ച് ബാലിസ്റ്റിക് മിസൈലാണ് അഗ്നി പ്രൈം.
പ്രത്യേകമായി രൂപകല്പന ചെയ്ത ട്രെയിന് അധിഷ്ഠിത ലോഞ്ചറില് നിന്ന് അഗ്നി-പ്രൈം മിസൈലിന്റെ പരീക്ഷണം നടത്തുന്നത് ആദ്യമായാണ്. സഞ്ചരിച്ചുകൊണ്ടിരിക്കുന്ന ഒരു ട്രെയിനില് നിന്ന് മിസൈല് വിക്ഷേപിക്കാനുള്ള സാങ്കേതികവിദ്യയുള്ള എലൈറ്റ് രാജ്യങ്ങളുടെ പട്ടികയില് ഇതോടെ ഇന്ത്യ ഇടംപിടിച്ചെന്ന് പ്രതിരോധ മന്ത്രി രാജ്നാഥ് സിംഗ് പറഞ്ഞു.
അഗ്നി- പ്രൈം പരീക്ഷണ വിജയത്തിൽ ഡിആര്ഡിഒയെയും സ്ട്രാറ്റജിക് ഫോഴ്സസ് കമാന്ഡിനെയും (എസ്എഫ്സി), പ്രതിരോധ സേനകളെയും രാജ്നാഥ് സിംഗ് അഭിനന്ദിച്ചു. 2,000 കിലോമീറ്റര് ദൂരപരിധിയുള്ള കരുത്തുറ്റ ഇന്റര്മീഡിയേറ്റ്-റേഞ്ച് ബാലിസ്റ്റിക് മിസൈലിനെ റെയില് അടിസ്ഥാനത്തിലുള്ള ലോഞ്ചറില് നിന്ന് വിജയകരമായി വിക്ഷേപിച്ച ഇന്ത്യയുടെ ഡിഫന്സ് റിസര്ച്ച് ആന്ഡ് ഡവലപ്മെന്റ് ഓര്ഗനൈസേഷന് (ഡിആര്ഡിഒ) ചരിത്രത്തിൽ അടയാളപ്പെടുത്തിയത്.