“ഒരു മാതൃകാരാജ്യത്തിനു വേണ്ടിയല്ല ഞാൻ നിങ്ങളെ നിയമിക്കുന്നത്”: ദക്ഷിണ സുഡാനിലെ നവവൈദികരോട് ബിഷപ്പ്

ദക്ഷിണ സുഡാനിലെ ടോംബുര-യാംബിയോ കത്തോലിക്കാ രൂപതയ്ക്കു വേണ്ടി ശുശ്രൂഷ ചെയ്യാനായി നാല് നവവൈദികർ കൂടി. ജനുവരി നാലിനായിരുന്നു അവരുടെ പൗരോഹിത്യ സ്വീകരണവും അതോടൊപ്പം ആറ് ഡീക്കന്മാരുടെ അഭിഷേക കർമ്മവും നടന്നത്.

ദക്ഷിണ സുഡാനിലെ ടോംബുര-യാംബിയോ കത്തോലിക്കാ രൂപതയിലെ ബിഷപ്പ് എഡ്വേർഡോ ഹിബോറോ കുസ്സാല, പുതുതായി നിയമിതരായ നാല് വൈദികരെയും ആറ് ഡീക്കന്മാരെയും അവരുടെ ശുശ്രൂഷകളിൽ മറ്റുള്ളവരെ യേശുക്രിസ്തുവിലേക്കു നയിക്കുന്ന നക്ഷത്രങ്ങളാകാൻ ആഹ്വാനം ചെയ്തു. 2026 ജനുവരി നാലിനു നടന്ന സ്ഥാനാരോഹണ ദിവ്യബലിയിൽ, തകർന്ന സമൂഹങ്ങളെ അനുരഞ്ജിപ്പിക്കുന്നതിലും മനഃസാക്ഷി രൂപപ്പെടുത്തുന്നതിലും ദരിദ്രർക്കിടയിൽ അന്തസ്സ് പുനഃസ്ഥാപിക്കുന്നതിലും അവർക്കുള്ള നിർണ്ണായകപങ്കിനെക്കുറിച്ചും അദ്ദേഹം അവരെ ഓർമ്മിപ്പിച്ചു.

ലോകത്തിലെ ഏറ്റവും പ്രായം കുറഞ്ഞ രാഷ്ട്രമായ ദക്ഷിണ സുഡാൻ ദൈവത്താൽ ആഴമായി സ്നേഹിക്കപ്പെടുന്നുവെന്നും അതിന് പ്രതിബദ്ധതയുള്ള പാസ്റ്ററൽ നേതൃത്വം ആവശ്യമാണെന്നും ബിഷപ്പ് ഊന്നിപ്പറഞ്ഞു. ജ്ഞാനികളെ ശിശുവായ യേശുവിലേക്കു നയിച്ച നക്ഷത്രം പോലെ, വിശ്വസ്തതയിലൂടെയും സാക്ഷ്യത്തിലൂടെയും ആളുകളെ യേശുവിലേക്കു നയിക്കാൻ തങ്ങളുടെ ജീവിതത്തെ അനുവദിക്കാൻ അദ്ദേഹം പുതിയ പുരോഹിതന്മാരെയും ഡീക്കന്മാരെയും പ്രോത്സാഹിപ്പിച്ചു.

“ഞാൻ നിങ്ങളെ ഒരു ആദർശ രാജ്യത്തിനായി നിയമിക്കുകയല്ല” – ബിഷപ്പ് ഹിബോറോ പറഞ്ഞു. ദുർബലതയും പ്രത്യാശയും നിറഞ്ഞ യഥാർഥ സാഹചര്യങ്ങളിലേക്കാണ് സഭ പുരോഹിതരെ അയയ്ക്കുന്നതെന്നും അദ്ദേഹം അഭിപ്രായപ്പെട്ടു.