'ഗ്വാഡ നെഗറ്റീവ്', ലോകത്തിലെ ഏറ്റവും അപൂർവമായ രക്തഗ്രൂപ്പ് കണ്ടെത്തി ശാസ്ത്രജ്ഞർ

മനുഷ്യരിൽ പ്രധാനമായും ഒ, ബി, എ- എന്നീ രക്തഗ്രൂപ്പുകളാണുള്ളത്. എന്നാലിപ്പോളിതാ ഏറ്റവും അപൂർവമായ രക്തഗ്രൂപ്പ് കണ്ടെത്തിയിരിക്കുകയാണ് ശാസ്ത്രജ്ഞർ.  കരീബിയൻ ദ്വീപായ ഗ്വാഡലൂപ്പിൽ നിന്നുള്ള ഒരു ഫ്രഞ്ച് വനിതയ്ക്കാണ് "ഗ്വാഡ നെഗറ്റീവ്" എന്ന് വിളിക്കപ്പെടുന്ന പുതിയ രക്തഗ്രൂപ്പ് ഉണ്ടെന്ന് കണ്ടെത്തിയത്.

ശസ്ത്രക്രിയയ്ക്ക് മുമ്പ് പതിവ് പരിശോധനകൾക്ക് വിധേയനായ ഒരു രോഗിയിൽ നിന്ന് ഗവേഷകർക്ക് രക്തസാമ്പിൾ ലഭിച്ച് 15 വർഷത്തിന് ശേഷമാണ് ഈ പ്രഖ്യാപനം നടത്തിയതെന്ന് ഫ്രഞ്ച് ബ്ലഡ് എസ്റ്റാബ്ലിഷ്മെന്റ് (ഇഎഫ്എസ്) പറഞ്ഞു. ആ മാസം ആദ്യം മിലാനിലെ ഇന്റർനാഷണൽ സൊസൈറ്റി ഓഫ് ബ്ലഡ് ട്രാൻസ്ഫ്യൂഷൻ (ISBT) ഈ കണ്ടെത്തൽ ഔദ്യോഗികമായി അംഗീകരിച്ചു."

പാരീസിൽ താമസിച്ചിരുന്ന 54 വയസ്സുള്ള രോഗി ശസ്ത്രക്രിയയ്ക്ക് മുമ്പ് പതിവ് പരിശോധനകൾക്ക് വിധേയമാകുന്നതിനിടെ അജ്ഞാത ആന്റിബോഡി കണ്ടെത്തിയതായി ഇഎഫ്എസിലെ മെഡിക്കൽ ബയോളജിസ്റ്റായ തിയറി പെയ്‌റാർഡ് പറഞ്ഞു. ഈ ബ്ലഡ് ​ഗ്രൂപ്പിൽ ലോകത്തിൽ അറിയപ്പെടുന്ന ഒരേയൊരു കേസാണ് ഈ സ്ത്രീ എന്നതിൽ സംശയമില്ല. മ്യൂട്ടേറ്റഡ് ജീൻ ഉണ്ടായിരുന്ന അച്ഛനിൽ നിന്നും അമ്മയിൽ നിന്നുമാണ് സ്ത്രീക്ക് രക്തഗ്രൂപ്പ് പാരമ്പര്യമായി ലഭിച്ചതെന്നും പെയ്‌റാർഡ് പറഞ്ഞു.