രാമായണം, മഹാഭാരതം തുടങ്ങിയ ഇതിഹാസങ്ങളും വേദങ്ങളും നിയമ പാഠ്യപദ്ധതിയുടെ ഭാഗമാക്കണം: സുപ്രീം കോടതി ജഡ്ജി

വേദങ്ങളിലും രാമായണം, മഹാഭാരതം തുടങ്ങിയ ഇതിഹാസങ്ങളിലും അടങ്ങിയിരിക്കുന്ന പുരാതന നിയമ തത്ത്വചിന്ത നിയമ കോളേജുകളും സർവകലാശാലകളും പാഠ്യപദ്ധതിയിൽ ഔപചാരികമായി ഉൾപ്പെടുത്തേണ്ട സമയമാണിതെന്ന് സുപ്രീം കോടതി ജസ്റ്റിസ് പങ്കജ് മിത്തൽ. 

നീതിയുടെയും സമത്വത്തിന്റെയും ആശയങ്ങൾ പാശ്ചാത്യ ലോകത്തിൽ നിന്ന് കടമെടുത്ത തത്വങ്ങളായിട്ടല്ല. മറിച്ച് ഇന്ത്യയുടെ പുരാതന നിയമ യുക്തിയിൽ ഉൾച്ചേർന്ന ആശയങ്ങളായി വിദ്യാർത്ഥികളെ പഠിപ്പിക്കണമെന്നും അദേഹം കൂട്ടിച്ചേർത്തു.

"നമ്മുടെ നിയമവിദ്യാലയങ്ങൾ പുരാതന ഇന്ത്യൻ നിയമ, ദാർശനിക പാരമ്പര്യങ്ങൾ പാഠ്യപദ്ധതിയിൽ ഔപചാരികമായി ഉൾപ്പെടുത്തേണ്ട സമയമാണിത്. വേദങ്ങൾ, സ്മൃതികൾ, അർത്ഥശാസ്ത്രം, മനുസ്മൃതി, ധർമ്മങ്ങൾ, മഹാഭാരതത്തിലെയും രാമായണത്തിലെയും ഇതിഹാസങ്ങൾ എന്നിവ വെറും സാംസ്കാരിക കലാസൃഷ്ടികളല്ല. 

നീതി, സമത്വം, ഭരണം, ശിക്ഷ, അനുരഞ്ജനം, ധാർമ്മിക കടമ എന്നിവയുടെ ആഴത്തിലുള്ള പ്രതിഫലനങ്ങൾ അവയിൽ അടങ്ങിയിരിക്കുന്നു.

ഇന്ത്യൻ നിയമ യുക്തിയുടെ വേരുകൾ മനസ്സിലാക്കണമെങ്കിൽ അവയുടെ കടമ അനിവാര്യമാണ് സുപ്രീം കോടതിയുടെ 75 വാർഷികം ആഘോഷിക്കുന്നതിനായി ഭോപ്പാലിലെ നാഷണൽ ലോ ഇൻസ്റ്റിറ്റ്യൂട്ട് യൂണിവേഴ്സിറ്റി സംഘടിപ്പിച്ച നിയമ സമ്മേളനത്തിൽ അദ്ദേഹം പറഞ്ഞു.

സുപ്രീം കോടതി വിധിന്യായങ്ങൾ പ്രാദേശിക ഭാഷകളിൽ വിവർത്തനം ചെയ്ത് ലഭ്യമാക്കുന്നതിലൂടെ രാജ്യത്തെ നീതിന്യായ വ്യവസ്ഥയെ ഇന്ത്യവൽക്കരിക്കാനുള്ള ശ്രമങ്ങൾ നടക്കുന്നുണ്ടെന്ന് ജഡ്ജി പറഞ്ഞു. 

 "ഭരണഘടനയ്‌ക്കൊപ്പം ഗീത, വേദങ്ങൾ, പുരാണങ്ങൾ എന്നിവയും ഉണ്ടായിരിക്കണം. നമ്മുടെ നിയമവ്യവസ്ഥ പ്രവർത്തിക്കേണ്ട സന്ദർഭം അതാണ്. അപ്പോൾ നമ്മുടെ രാജ്യത്തെ ഓരോ പൗരനും നീതി ലഭ്യമാക്കാൻ നമുക്ക് കഴിയുമെന്ന് ഞാൻ വിശ്വസിക്കുന്നു. അത്തരമൊരു വിഷയം വിദ്യാർത്ഥികൾക്ക് സാംസ്കാരികവും ബൗദ്ധികവുമായ അടിത്തറ നൽകുക മാത്രമല്ല, ഒരു സവിശേഷ ഇന്ത്യൻ നിയമശാസ്ത്ര ഭാവനയെ രൂപപ്പെടുത്താനും സഹായിക്കുമെന്നും ജഡ്ജി കൂട്ടിച്ചേർത്തു