‘3D ദൈവാലയത്തെ’ സ്വാഗതം ചെയ്ത് ചെക്ക് അതിരൂപത

3D പ്രിന്റിംഗ് സാങ്കേതികവിദ്യ ഉപയോഗിച്ച് ഒരു പുതിയ ഇടവക പള്ളി നിർമ്മിക്കാനൊരുങ്ങി ചെക്ക് റിപ്പബ്ലിക്കിലെ പ്രാഗ് അതിരൂപത. അസാധാരണമായ അലങ്കാര, ശബ്ദ സാധ്യതകൾ നൽകുന്നതാണ് ഇതെന്ന് ഇതിന്റെ നിർമ്മാതാക്കൾ അവകാശപ്പെടുന്നു.

“1990 മുതൽ ഈ ഇടവക ദൈവാലയം നിർമ്മിക്കാൻ ശ്രമിച്ചുകൊണ്ടിരിക്കുകയാണ്. ഈ പദ്ധതിക്ക് തുടക്കം മുതൽ തന്നെ സാർവത്രിക പിന്തുണ ലഭിച്ചു, മുഴുവൻ ഇടവകയും ഇതിൽ സന്തുഷ്ടരാണ്,” അതിരൂപതയുടെ പ്രസ് സെക്രട്ടറിയും കമ്മ്യൂണിക്കേഷൻസ് മേധാവിയുമായ ജിറി പ്രിൻസ് വിശദീകരിച്ചു.

പള്ളിയുടെ ഘടനയുടെ ഭൂരിഭാഗവും കമ്പ്യൂട്ടർ നിർമ്മിതമായ 520 കോൺക്രീറ്റ് ബ്ലോക്കുകൾ കൂട്ടിച്ചേർക്കപ്പെടുമെന്ന് 3D ഡിസൈനർ പറഞ്ഞു.