വരുംതലമുറയെ പുകവലിയിൽ നിന്ന് പൂർണ്ണമായും സംരക്ഷിക്കുന്നതിനുള്ള പുതിയ നിയമവുമായി ബ്രിട്ടൻ

വരുംതലമുറയെ പുകവലിയിൽ നിന്ന് പൂർണ്ണമായും സംരക്ഷിക്കുന്നതിനുള്ള പുതിയ നിയമം പാസാക്കി ബ്രിട്ടീഷ് പാർലമെന്റ്. 2009 ജനുവരി ഒന്നിനും അതിന് ശേഷവും ജനിച്ചവർക്ക് ഇനി മുതൽ ആജീവനാന്തം സിഗരറ്റ് വാങ്ങാൻ സാധിക്കില്ല എന്നതാണ് ഈ നിയമത്തിന്റെ പ്രത്യേകത. പുകയില ഉൽപ്പന്നങ്ങളുടെ ഉപയോഗം കുറച്ച് ആരോഗ്യപൂർണ്ണമായ ഒരു സമൂഹത്തെ കെട്ടിപ്പടുക്കുകയാണ് ഈ നീക്കത്തിലൂടെ സർക്കാർ ലക്ഷ്യമിടുന്നത്.

പുതിയ നിയമം നിലവിൽ വരുന്നതോടെ കുട്ടികൾക്ക് പുകയില ഉൽപ്പന്നങ്ങൾ വിൽക്കുന്നത് വലിയ കുറ്റമായി മാറും. സിഗരറ്റുകൾക്ക് പുറമെ ഇലക്ട്രോണിക് സിഗരറ്റുകളുടെയും മറ്റ് ലഹരി വസ്തുക്കളുടെയും പരസ്യങ്ങൾക്കും വിപണനത്തിനും കടുത്ത നിയന്ത്രണങ്ങൾ ഏർപ്പെടുത്താൻ അധികാരികൾക്ക് അധികാരം ലഭിക്കും. പുകയില ഉൽപ്പന്നങ്ങളുടെ പാക്കറ്റുകൾ ആകർഷകമാക്കുന്നതിനും വിവിധ രുചികളിൽ അവ വിൽക്കുന്നതിനും ഇനി മുതൽ അനുമതി ഉണ്ടായിരിക്കില്ല.

സ്കൂളുകൾ, ആശുപത്രികൾ, കുട്ടികളുടെ കളിസ്ഥലങ്ങൾ എന്നിവയുടെ പരിസരത്ത് പുകവലിക്കുന്നതിനും പുതിയ നിയമപ്രകാരം നിരോധനമുണ്ട്. കുട്ടികളുമായി യാത്ര ചെയ്യുന്ന വാഹനങ്ങളിലും പുകവലി അനുവദിക്കില്ലെന്ന് സർക്കാർ വ്യക്തമാക്കിയിട്ടുണ്ട്. രാജ്യത്ത് തടയാൻ സാധിക്കുന്ന മരണങ്ങളുടെ പ്രധാന കാരണം പുകവലിയാണെന്ന തിരിച്ചറിവിലാണ് ഭരണകൂടം ഇത്തരമൊരു കടുത്ത തീരുമാനമെടുത്തത്.

കട‌പ്പാട്- ലൈഫ് ഡേ