പാലക്കാട് : ഹരിദ്വാറിലേക്ക് പാലക്കാട്, കോഴിക്കോട് , മംഗലാപുരം വഴി സ്പെഷ്യൽ ട്രെയിൻ പ്രഖ്യാപിച്ച് ദക്ഷിണ റെയിൽവേ. ക്രിസ്മസ്, പുതുവത്സര അവധി ദിവസങ്ങൾ വരുന്നത് പ്രമാണിച്ചാണ് ഈ പ്രത്യേക ട്രെയിൻ ഓടിക്കുന്നത്. യാത്രക്കാർ ക്രിസ്മസിനോട് അടുത്ത ദിവസങ്ങളിൽ അധികമായിരിക്കുമെന്ന് കണ്ടാണ് കോയമ്പത്തൂർ ജങ്ഷൻ-ഹരിദ്വാർ ജങ്ഷൻ-കോയമ്പത്തൂർ ജങ്ഷൻ റൂട്ടിൽ ഈ ട്രെയിൻ ഓടുന്നത്.

ട്രെയിൻ നമ്പർ 06043 'കോയമ്പത്തൂർ ജങ്ഷൻ–ഹരിദ്വാർ ജങ്ഷൻ ഫെസ്റ്റിവൽ സ്പെഷ്യൽ എക്സ്പ്രസ്' ഓടുക ഡിസംബർ 24 ബുധനാഴ്ച രാവിലെയായിരിക്കും. രാവിലെ 11.15 ന് കോയമ്പത്തൂരിൽ നിന്ന് പുറപ്പെട്ട് ഡിസംബർ 27 ശനിയാഴ്ച പുലർച്ചെ 12.05 ന് ഹരിദ്വാർ ജങ്ഷനിൽ എത്തിച്ചേരും. ഇതേ വണ്ടി തിരിച്ച് ട്രെയിൻ നമ്പർ 06044 ആയി ഓടും. 'ഹരിദ്വാർ ജങ്ഷൻ - കോയമ്പത്തൂർ ജങ്ഷൻ ഫെസ്റ്റിവൽ സ്പെഷ്യൽ എക്സ്പ്രസ്' ഡിസംബർ 30 ചൊവ്വാഴ്ച രാത്രി 10.30 ന് ഹരിദ്വാറിൽ നിന്ന് പുറപ്പെടും. ജനുവരി 2 വെള്ളിയാഴ്ച പുലർച്ചെ 4 മണിക്ക് കോയമ്പത്തൂർ ജങ്ഷനിൽ എത്തിച്ചേരും.

ട്രെയിനിൽ 10 3-ടയർ എസി കോച്ചുകളുണ്ട്. രണ്ട് 3-ടയർ എസി ഇക്കണോമി, നാല് സ്ലീപ്പർ ക്ലാസ് എന്നിവയുമുണ്ട്. ഒരു ലഗേജ്-കം-ബ്രേക്ക് വാൻ, ഒരു ജനറേറ്റർ കാർ കോച്ച് എന്നിവയും ഉണ്ടായിരിക്കും.

പാലക്കാട് ജങ്ഷനിലെ ഷൊർണൂർ ജങ്ഷനിൽ ഈ വണ്ടി നിർത്തും. കോഴിക്കോട്, കണ്ണൂർ, മംഗളൂരു ജങ്ഷൻ, ഉഡുപ്പി, കുന്ദാപുര, മൂകാംബിക റോഡ് ബൈന്ദൂർ, കാർവാർ, മഡ്ഗാവ് ജങ്ഷൻ, തിവിം, രത്‌നഗിരി, ചിപ്ലൂൺ, റോഹ, പൻവേൽ, വസായ് റോഡ്, ഉദ്‌ന ജങ്ഷൻ, വഡോദര ജങ്ഷൻ, രത്‌ലം ജങ്‌ഷൻ, കോട്ട ജങ്‌ഷൻ, സവായ് മധോപൂർ ജാൻ, മഥുരത്ത് ജാൻ, മഥുരത് ജാൻ റൂർക്കി എന്നിവയാണ് മറ്റ് സ്റ്റോപ്പുകൾ.