2025 മാറ്റങ്ങളുടെ വർഷം; ലോകത്തെ സ്വാധീനിച്ച പ്രധാന സംഭവങ്ങൾ

ലോകമെങ്ങും വലിയ രാഷ്ട്രീയമാറ്റങ്ങൾക്കും നിർണ്ണായകമായ തീരുമാനങ്ങൾക്കും സാക്ഷ്യംവഹിച്ച വർഷമായിരുന്നു കഴിഞ്ഞുപോയ വർഷം. അമേരിക്കൻ പ്രസിഡന്റായി ഡൊണാൾഡ് ട്രംപ് വീണ്ടും അധികാരത്തിലെത്തിയതും ഇന്ത്യയുടെ പ്രധാനപ്പെട്ട സൈനികനീക്കങ്ങളും ഈ വർഷത്തെ ലോകശ്രദ്ധയിലേക്കു കൊണ്ടുവന്നു. യുദ്ധങ്ങളും പ്രകൃതിദുരന്തങ്ങളും ലോകരാജ്യങ്ങളെ പലപ്പോഴും ആശങ്കയിലാഴ്ത്തിയെങ്കിലും നയതന്ത്രപരമായ ചർച്ചകൾക്കും പുതിയ തീരുമാനങ്ങൾക്കും ഈ വർഷം വഴിയൊരുക്കി.

ഭരണമാറ്റങ്ങളും പുതിയ നിയമപരിഷ്കാരങ്ങളും ഇന്ത്യയുൾപ്പെടെയുള്ള രാജ്യങ്ങളിൽ വലിയ സ്വാധീനം ചെലുത്തി. കാലാവസ്ഥാ വ്യതിയാനം മൂലമുണ്ടായ പ്രകൃതിക്ഷോഭങ്ങളും ഭീകരാക്രമണങ്ങളും സർക്കാരുകളെയും സാധാരണ ജനങ്ങളെയും ഒരുപോലെ പരീക്ഷിച്ച വർഷമായിരുന്നു ഇത്. രാജ്യങ്ങൾ തമ്മിലുള്ള ബന്ധങ്ങളിൽ വലിയ മാറ്റങ്ങൾ സംഭവിക്കുകയും വ്യാപാര രംഗത്ത് പുതിയ നിയന്ത്രണങ്ങൾ വരികയും ചെയ്തു.

അതിജീവനത്തിന്റെ കഥകൾക്കൊപ്പം തന്നെ വലിയ നേട്ടങ്ങളും 2025 ൽ ലോകം കണ്ടു. ബഹിരാകാശ രംഗത്തും കായികമേഖലയിലും ഇന്ത്യ പുതിയ ചരിത്രങ്ങൾ കുറിച്ച വർഷം കൂടിയായിരുന്നു ഇത്. അടിസ്ഥാനസൗകര്യ വികസനത്തിലും ഭരണപരമായ പരിഷ്കാരങ്ങളിലും രാജ്യം വലിയ പുരോഗതി കൈവരിച്ചു. ലോകം പുതുവർഷത്തിലേക്കു കടക്കുമ്പോൾ പ്രതീക്ഷകളും വെല്ലുവിളികളും നിറഞ്ഞ ഒരു വർഷമായാണ് 2025 ചരിത്രത്തിൽ ഇടംപിടിക്കുന്നത്.