2025 ബംഗ്ളാദേശിലെ ന്യൂനപക്ഷങ്ങൾക്ക് രക്തരൂക്ഷിതമായ വർഷം: 90-ലധികം ഇരകൾ, 2,673 ആക്രമണങ്ങൾ

വർധിച്ചുവരുന്ന അക്രമത്തിന്റെയും അരക്ഷിതാവസ്ഥയുടെയും പശ്ചാത്തലത്തിൽ ബംഗ്ലാദേശിലെ മതപരവും വംശീയവുമായ ന്യൂനപക്ഷങ്ങൾ ഗുരുതരമായ പ്രതിസന്ധി നേരിടുകയാണ്. വർഷത്തിലെ ആദ്യ പതിനൊന്ന് മാസങ്ങളിൽ 90 പേർ ദുരൂഹമായ രീതിയിൽ കൊല്ലപ്പെട്ടിട്ടുണ്ട്. ഡിസംബർ 27 ന് ധാക്കയിൽ ബംഗ്ലാദേശ് ഹിന്ദു ബുദ്ധിസ്റ്റ് ക്രിസ്ത്യൻ യൂണിറ്റി കൗൺസിൽ (BHBCUC) സംഘടിപ്പിച്ച ‘ന്യൂനപക്ഷങ്ങളുടെ മനുഷ്യാവകാശങ്ങൾ: നിലവിലെ യാഥാർഥ്യവും പ്രതീക്ഷകളും’ എന്ന വട്ടമേശ ചർച്ചയിലാണ് ഈ ആശങ്കാജനകമായ കണക്കുകൾ അവതരിപ്പിച്ചത്.

ഇന്റർഫെയ്ത്ത് സംഘടനയുടെ പ്രസിഡന്റ് കാത്തലിക് നിർമോൾ റൊസാരിയോയുടെ അധ്യക്ഷതയിൽ നടന്ന യോഗം, വിദ്യാർഥി പ്രക്ഷോഭത്തിനും മുൻ പ്രധാനമന്ത്രി ഷെയ്ഖ് ഹസീനയുടെ നേതൃത്വത്തിലുള്ള സർക്കാർ പുറത്താക്കപ്പെട്ടതിനും ശേഷമുള്ള കാലയളവിൽ ന്യൂനപക്ഷങ്ങൾക്കെതിരെ 2,673 അക്രമ സംഭവങ്ങൾ നടന്നതായി വെളിപ്പെടുത്തി. വിശകലന വിദഗ്ധരും ആക്ടിവിസ്റ്റുകളും വളരെയധികം ആശങ്കാജനകമെന്ന് വിശേഷിപ്പിക്കുന്ന ഒരു പ്രവണതയിൽ, 2025 ൽ കുറഞ്ഞത് 73 അക്രമ സംഭവങ്ങളെങ്കിലും ഉണ്ടായി.

മൈമെൻസിംഗിൽ നിന്നുള്ള 27 വയസ്സുള്ള ഹിന്ദുവായ വസ്ത്ര തൊഴിലാളിയും പിതാവുമായ ദിപു ചന്ദ്ര ദാസിനെ 140-150 പേരടങ്ങുന്ന ഒരു ജനക്കൂട്ടം വലിച്ചിഴച്ച് ക്രൂരമായി മർദിച്ച് കൊലപ്പെടുത്തി. ഡിസംബർ 18 ന് ലോക അറബി ഭാഷാ ദിനത്തോടനുബന്ധിച്ച് ഫാക്ടറി സംഘടിപ്പിച്ച ഒരു പരിപാടിയിൽ അദ്ദേഹം അപമാനകരമായ പരാമർശങ്ങൾ നടത്തിയെന്ന വ്യാജ ആരോപണത്തെ തുടർന്നാണ് ആക്രമണം.

ക്രിസ്തുമസ് സമയത്ത് ക്രിസ്ത്യാനികൾക്കെതിരായ സമീപകാല ആക്രമണങ്ങൾ പോലെ, ഇന്ത്യയിലെ ന്യൂനപക്ഷങ്ങൾക്കെതിരായ അതിക്രമങ്ങൾ ബംഗ്ലാദേശിലെ വർഗീയ ഗ്രൂപ്പുകളെ ധൈര്യപ്പെടുത്തുന്നുണ്ട്. അപകടകരമായ ഒരു പ്രത്യാഘാതവും അദ്ദേഹം എടുത്തുകാട്ടി.

ബിഎച്ച്ബിസിയുസിയുടെ ആക്ടിംഗ് ജനറൽ സെക്രട്ടറി മനീന്ദ്ര കുമാർ നാഥ്, കൊലപാതകം, ബലാത്സംഗം, ആരാധനാലയങ്ങൾ തീവയ്ക്കൽ, ഭൂമി കയ്യേറ്റം, നിർബന്ധിത നാടുകടത്തൽ എന്നിവയുൾപ്പെടെ ന്യൂനപക്ഷങ്ങൾ അനുഭവിക്കുന്ന കുറ്റകൃത്യങ്ങളുടെ ഒരു പട്ടിക അവതരിപ്പിച്ചു.

കടപ്പാട് ലൈഫ് ഡേ