"വി​വാ​ഹം ക​ഴി​ക്കു​ന്ന​തി​ന് മു​ൻ​പ് ര​ണ്ടു​ത​വ​ണ ചി​ന്തി​ക്കു​ക'; ഭാര്യയുടെ നിരന്തര ഗാ​ർ​ഹി​ക പീ​ഡ​നത്തിന്‍റെ വീഡിയോ പുറത്തുവിട്ട് യുവാവ്, നിയമപരിരക്ഷ പു​രു​ഷ​ന്മാ​ർക്കും വേണമെന്ന് ചർച്ച

ഗാ​ർ​ഹി​ക പീ​ഡ​നം, സ്ത്രീകൾക്കെതിരെ മാത്രം ഒതുങ്ങുന്നതല്ലെന്ന യാ​ഥാ​ർഥ്യം അ​ടി​വ​ര​യി​ടു​ന്ന  വീ​ഡി​യോ ദൃ​ശ്യം സാ​മൂ​ഹി​ക മാ​ധ്യ​മ​ങ്ങ​ളി​ൽ വ​ലി​യ ച​ർ​ച്ച​ക​ൾ​ക്കു തു​ട​ക്ക​മി​ട്ടി​രി​ക്കു​ക​യാ​ണ്. ഭ​ർ​ത്താ​വി​നെ ഭാര്യ ക്രൂ​ര​മാ​യി മ​ർദി​ക്കു​ന്ന ദൃ​ശ്യ​ങ്ങ​ൾ വൈ​റ​ലാ​യ​തോ​ടെ, പു​രു​ഷ​ന്മാ​ർ അ​നു​ഭ​വി​ക്കു​ന്ന ശാ​രീ​രി​ക-​മാ​ന​സി​ക പീ​ഡ​ന​ങ്ങ​ളുമായി ബന്ധപ്പെട്ട നി​യ​മ​പ​ര​മായ വ​ശ​ങ്ങ​ളാ​ണ് ഇ​പ്പോ​ൾ ച​ർ​ച്ച​യാ​കു​ന്ന​ത്.

രണ്ടു വർഷത്തോളമായി നേരിടുന്ന അതിക്രമങ്ങൾ യുവാവ് തന്‍റെ ലാപ്ടോപ്പിൽ പകർത്തുകയായിരുന്നു. ത​ർ​ക്ക​ങ്ങ​ൾ​ക്കി​ട​യി​ൽ ഭാ​ര്യ ക്രൂരമായി മ​ർ​ദി​ക്കു​ന്ന​തും മു​ടി​ക്ക് കു​ത്തി​പ്പി​ടി​ക്കു​ന്ന​തും വീ​ഡി​യോ​യി​ൽ കാ​ണാം. "വി​വാ​ഹം ക​ഴി​ക്കു​ന്ന​തി​ന് മു​ൻ​പ് ര​ണ്ടു​ത​വ​ണ ചി​ന്തി​ക്കു​ക' എ​ന്ന അ​ടി​ക്കു​റി​പ്പോ​ടെ പ​ങ്കു​വച്ച വീ​ഡി​യോ ദ​ശ​ല​ക്ഷ​ക്ക​ണ​ക്കി​ന് ആ​ളു​ക​ളാ​ണ് ഇ​തി​നോ​ട​കം ക​ണ്ട​ത്.

ഗാ​ർ​ഹി​ക അ​തി​ക്ര​മ​ങ്ങ​ളി​ൽ ഇ​ര​ക​ളാ​ക്ക​പ്പെ​ടു​ന്ന പു​രു​ഷ​ന്മാ​രു​ടെ എ​ണ്ണം വ​ർ​ധി​ക്കു​ന്നു​ണ്ടെ​ങ്കി​ലും, സാ​മൂ​ഹി​ക​മാ​യ നാ​ണ​ക്കേ​ട് ഭ​യ​ന്നു പ​ല​രും പു​റ​ത്തു​പ​റ​യാ​റി​ല്ല എന്നതാണു വാസ്തവം. നി​ല​വി​ലു​ള്ള നി​യ​മ​ങ്ങ​ൾ പ​ല​പ്പോ​ഴും സ്ത്രീ​കൾക്ക് അനുകൂലമാകുന്പോൾ, അ​തി​ക്ര​മം നേ​രി​ടു​ന്ന പു​രു​ഷ​ന്മാ​ർ​ക്ക് അ​ർ​ഹ​മാ​യ നി​യ​മ​സ​ഹാ​യം ല​ഭി​ക്കാ​ൻ പ്ര​യാ​സ​മാ​ണെ​ന്ന ചർച്ച സമൂഹമാധ്യമങ്ങളിൽ ശക്തമാണ്.

 വി​വാ​ഹ​ത്തോടുള്ള ഭ​യ​മാ​ണ് ഒ​രു വി​ഭാ​ഗം ആ​ളു​ക​ൾ പ​ങ്കുവയ്ക്കുന്നത്. എ​ന്നാ​ൽ, ഇ​ത്ത​രം സം​ഭ​വ​ങ്ങ​ളെ പൊ​തു​വാ​യ സ്ത്രീ​വി​രു​ദ്ധ​ത പ്ര​ച​രി​പ്പി​ക്കാ​നാ​യി ഉ​പ​യോ​ഗി​ക്ക​രു​തെ​ന്ന താ​ക്കീ​തും ഉ​യ​രു​ന്നു​ണ്ട്.

ഗാ​ർ​ഹി​ക പീ​ഡ​നനി​യ​മ​ങ്ങ​ൾ ലിം​ഗ​സ​മ​ത്വ​മു​ള്ള​താ​ക​ണ​മെ​ന്നും ആ​ക്ര​മി​ക്ക​പ്പെ​ടു​ന്ന​ത് പു​രു​ഷ​നാ​യാ​ലും സ്ത്രീ​യാ​യാ​ലും നീ​തി ഒ​രു​പോ​ലെ ല​ഭ്യ​മാ​ക്ക​ണ​മെ​ന്നു​മാ​ണ് ഇത്തരം സംഭവങ്ങൾ പൊതുസമൂഹത്തിനു ന​ൽ​കു​ന്ന സ​ന്ദേ​ശം.

After being abused for the past two years bro recorded these clips on his laptop

Think twice before getting married 🙏 pic.twitter.com/1AQLGWjooU

— Vishal (@VishalMalvi_) April 23, 2026