വിശുദ്ധ കുർബാനയിൽ പങ്കെടുക്കുമ്പോൾ കുഞ്ഞുങ്ങൾ കൂടുതൽ ശ്രദ്ധയുള്ളവരാകാൻ ഏതാനും മാർഗങ്ങൾ

ചെറിയ കുട്ടികളുള്ള അമ്മമാർ ദൈവാലയത്തിൽ വിശുദ്ധ കുർബാനയിൽ കുഞ്ഞുങ്ങളെക്കൂടി പങ്കെടുപ്പിക്കാൻ ബുദ്ധിമുട്ട് അനുഭവിക്കുന്നവരാകും. കാരണം വിശുദ്ധ കുർബാനമധ്യേ കുഞ്ഞു ബഹളം വയ്ക്കുമോ, പള്ളിയ്ക്കകത്തുകൂടി ഓടി നടക്കുമോ എന്നൊക്കെയുള്ള ആകുലതകൾ അവരെ അലട്ടുന്നുണ്ടാവാം.

എന്നാൽ ദൈവം കുഞ്ഞുങ്ങളെ സ്നേഹിക്കുന്നു. ഒന്നോ രണ്ടോ പതിറ്റാണ്ടുകൾക്ക് ശേഷം ഈ ഓർമ്മകൾ പോലും നിങ്ങൾക്ക് ഏറ്റവും വിലപ്പെട്ടതായി തോന്നാം. നിങ്ങൾക്കും ഈ പ്രശ്‌നമുണ്ടെങ്കിൽ, അത്തരം ഭയത്തെ അതിജീവിക്കാൻ സഹായിക്കുന്ന ചില ചിന്തകൾ ഇതാ.

1. ദൈവം നിങ്ങളുടെ കുട്ടികളുടെയും നിങ്ങളുടെയും പരിശ്രമങ്ങൾ ശ്രദ്ധിക്കുന്നു

നമ്മുടെ കുഞ്ഞുങ്ങളുടെ പെരുമാറ്റം എപ്പോഴും നാം ആഗ്രഹിക്കുന്നതുപോലെ ആയിരിക്കില്ല. വിശുദ്ധ കുർബാനയുടെ മുഴുവൻ സമയവും കുട്ടി നിശബ്ദനായി അടങ്ങിയൊതുങ്ങി ഇരിക്കില്ല. രണ്ട് വയസ്സുള്ള ഒരു കുട്ടിക്ക് 25 മിനിറ്റ് പോലും അടങ്ങിയിരിക്കുന്നത് ഒരു വെല്ലുവിളിയാണ്. അവൻ ഭക്തി പ്രകടിപ്പിക്കാൻ പരമാവധി ശ്രമിക്കുന്നതും നാം അവനെ പഠിപ്പിക്കാൻ പരമാവധി ശ്രമിക്കുന്നതും ദൈവം വിലമതിക്കുന്നുണ്ടെന്ന് മനസ്സിലാക്കണം.

2. കുട്ടികൾക്ക് ദൈവത്തെ സ്തുതിക്കാൻ അവരുടേതായ വഴികളുണ്ട്

കുട്ടികൾക്ക് ഇഷ്ടമുള്ള വിധത്തിൽ ദൈവാലയത്തിൽ പെരുമാറാൻ അനുവദിക്കണമെന്നില്ല. എന്നാൽ ചെറിയ കുട്ടികൾ ബഹളം വയ്ക്കുമ്പോൾ, വിശുദ്ധ കുർബാനയിൽ പങ്കെടുക്കാൻ വേണ്ടി അവരുടെ ശ്രദ്ധ തിരിക്കാൻ ശ്രമിക്കണമെന്നില്ല എന്നത് നാം ഓർമ്മിക്കേണ്ടതാണ്. ഉറക്കെ നിലവിളിക്കുന്ന കുഞ്ഞുങ്ങൾ ‘പിശാചിനെ തള്ളിപ്പറയാനുള്ള’ അവരുടെ വഴിയാണിത് എന്ന് ചിന്തിച്ചാൽ നമുക്ക് ഈ അസ്വസ്ഥത പരിഹരിക്കാം. ഒരുപക്ഷേ അവർ ഇങ്ങനെയായിരിക്കാം ദൈവത്തെ സ്തുതിക്കുന്നത്.

3. അടുത്ത ആഴ്ചയും സമയമുണ്ട്

പള്ളിയിലെ പെരുമാറ്റം കൊച്ചുകുട്ടികൾക്ക് ബുദ്ധിമുട്ടുണ്ടാക്കുമെന്നതിൽ തർക്കമില്ല. എന്നാൽ വർഷങ്ങളോളം പള്ളിയിൽ പോയതിന്റെ സന്തോഷകരമായ ഓർമ്മകൾ അവരോടൊപ്പം ഉണ്ടായിരിക്കും. അവരെ പരിശീലിപ്പിക്കാനുള്ള നിങ്ങളുടെ ശ്രമങ്ങളിൽ നിങ്ങൾ ശാഠ്യം പിടിച്ചാൽ, അവ ക്രമേണ തിരിച്ചുവരും. ഈ ആഴ്ച മോശമായിരുന്നെങ്കിൽ, അത് മാറ്റിവെച്ച് വീണ്ടും ശ്രമിക്കുക.

4. ആത്മീയ ആവശ്യങ്ങളും പ്രധാനപ്പെട്ടത്

വികൃതികളായ കുട്ടികളെ സംബന്ധിച്ച ഏറ്റവും ബുദ്ധിമുട്ടുള്ള കാര്യങ്ങളിലൊന്നാണ് പള്ളിയിൽ “നമ്മുടെ ബാറ്ററി റീചാർജ്” ചെയ്യുന്നതിൽ നിന്ന് അവർ നമ്മെ തടയുന്ന രീതിയാണ്. ആഴ്ചയിലെ മറ്റേതെങ്കിലും ദിവസം വിശുദ്ധ കുർബാനയിൽ വ്യക്തിപരമായി പങ്കെടുക്കുന്നതിലൂടെ അതേ ഫലം നേടാവുന്ന മറ്റൊരു മാർഗമാണ്. ഇത് കുട്ടികളുമായി ഞായറാഴ്ച പോകുമ്പോൾ നമ്മെ കുറച്ചുകൂടി ക്ഷമാപൂർവം പെരുമാറാൻ സഹായിക്കും.

5. നാം മനസ്സിലാക്കുന്നതിലും കൂടുതൽ കാര്യങ്ങൾ നമ്മുടെ കുട്ടികൾ ഉൾക്കൊള്ളുന്നു

കുട്ടികൾ പലപ്പോഴും വിശുദ്ധ കുർബാനയിൽ വേണ്ടവിധം ശ്രദ്ധിക്കുന്നില്ലെന്ന് തോന്നുമ്പോൾ പോലും അവർ അത് സ്വീകരിക്കാറുണ്ടെന്ന് ഓർമ്മിക്കേണ്ടതാണ്. വിശുദ്ധ കുർബാനയ്ക്ക് ശേഷം അവർ ചോദിക്കുന്ന ചോദ്യങ്ങൾ തന്നെയാണ് അത് മനസ്സിലാക്കാനുള്ള മാർഗം.

കടപ്പാട് ലൈഫ് ഡേ