കൊല്ലം സ്വദേശിയായ യുവാവ് സൗദിയില്‍ നിര്യാതനായി. മരണം ഹൃദയാഘാതത്തെ തുടര്‍ന്ന്
ജുബൈല്‍ (സൗദി അറേബ്യ): കിഴക്കന്‍ സൗദിയിലെ ജുബൈല്‍ നഗരത്തില്‍ മലയാളിയായ യുവാവ് ഹൃദയാഘാതം മൂലം മരണപ്പെട്ടു.
കൊല്ലം, ചിന്നക്കട സ്വദേശിയും പരേതനായ ജോസഫ് മോനി ഡാനിയേല്‍ - റെജിനി ദമ്പതികളുടെ മകനുമായ ഡാനിയേല്‍ ജോസഫ് ഈശോ (37) ആണ് ആശുപത്രിയില്‍ ചികിത്സയിലായിരിക്കേ അന്ത്യശ്വാസം വലിച്ചത്.
അവിവാഹിതനാണ്. നെഞ്ച് വേദനയെ തുടന്ന് ആശുപത്രിയില്‍ പ്രവേശിപ്പിച്ചതായിരുന്നു.
2016 ല്‍ ആണ് സൗദി അറേബ്യയില്‍ എത്തിയ ഡാനിയല്‍ ജുബൈല്‍ റോയല്‍ കമ്മീഷനില്‍ ഓഫീസില്‍ അഡ്മിനിസ്ട്രേറ്റര്‍ തസ്തികയിലാണ് ജോലി ചെയ്തു വന്നിരുന്നത്. രണ്ട് വര്‍ഷം ദുബായിലും ജോലി ചെയ്തിട്ടുണ്ട്.
മുവാസാത്ത് ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം ഔദ്യോഗിക നടപടികള്‍ക്ക് ശേഷം നാട്ടിലേക്ക് കൊണ്ടുകും.
ഇതിനുള്ള പ്രവര്‍ത്തനങ്ങള്‍ പ്രവാസി വെല്‍ഫെയര്‍ ജുബൈല്‍ ജനസേവന വിഭാഗം കണ്‍വീനറും ഇന്ത്യന്‍ എംബസ്സി വളന്റിയറുമായ സലീം ആലപ്പുഴ, ജബല്‍ മലയാളി സമാജം പ്രസിഡന്റ് തോമസ് മാത്യു മാമൂടന്‍ എന്നിവരുടെ നേതൃത്വത്തില്‍ പുരോഗമിക്കുന്നു.
റിപ്പോര്‍ട്ട്- അക്ബര്‍ പൊന്നാനി