ഒരു വിശുദ്ധന്റെ ജീവിതവുമായി നിങ്ങളുടെ ജീവിതത്തെ എപ്പോഴെങ്കിലും താരതമ്യം ചെയ്യാന് സാധിക്കുമെന്ന് നിങ്ങള്ക്ക് തോന്നിയിട്ടുണ്ടോ?
ഒരു വിശുദ്ധന്റെ ജീവിതവുമായി നിങ്ങളുടെ ജീവിതത്തെ എപ്പോഴെങ്കിലും താരതമ്യം ചെയ്യാന് സാധിക്കുമെന്ന് നിങ്ങള്ക്ക് തോന്നിയിട്ടുണ്ടോ? ഒരു പ്രയാസമേറിയ നിമിഷത്തെ നേരിടാന് നിങ്ങള് എപ്പോഴെങ്കിലും അവരുടെ മാധ്യസ്ഥം അപേക്ഷിച്ചിട്ടുണ്ടോ?
ഒരു കഷ്ടപ്പാടിനെക്കുറിച്ച്, അത് ഇതിനകം അനുഭവിച്ചറിഞ്ഞ ഒരാളേക്കാള് നന്നായി മറ്റാര്ക്കാണ് മനസ്സിലാക്കാന് കഴിയുക? വിശുദ്ധര്ക്ക് കഷ്ടപ്പാടുകള് പുതിയൊന്നുമല്ലായിരുന്നു:
അവരും സങ്കടത്തിന്റെയും ഏകാന്തതയുടെയും കുറ്റബോധത്തിന്റെയും ഉത്കണ്ഠയുടെയും നിമിഷങ്ങളെ അഭിമുഖീകരിക്കുകയും, മുന്പോട്ട് പോകാനുള്ള കരുത്ത് ദൈവത്തില് കണ്ടെത്തുകയും ചെയ്തവരാണ്.
നിങ്ങള് ഒരു പ്രയാസമേറിയ നിമിഷത്തിലൂടെയാണ് കടന്നുപോകുന്നതെങ്കില്, ഈ നാല് വിശുദ്ധരില് ഒരാളുമായി നിങ്ങളുടെ ജീവിതത്തെ ബന്ധപ്പെടുത്താന് സാധിച്ചേക്കാം:
കുരിശിന്റെ വിശുദ്ധ യോഹന്നാന് സങ്കടം
സ്വന്തം സന്യാസസഭയിലെ സഹോദരങ്ങള് തന്നെ അദ്ദേഹത്തെ തടവിലാക്കി. വെളിച്ചമില്ലാത്ത ഒരു തടവറയില് കിടന്നുകൊണ്ടാണ് എക്കാലത്തെയും മനോഹരമായ കവിതകളിലൊന്നായ 'ആത്മാവിന്റെ ഇരുണ്ട രാത്രി' അദ്ദേഹം എഴുതിയത്. ഇരുട്ട് അദ്ദേഹത്തെ തോല്പ്പിച്ചില്ല; പകരം അത് അദ്ദേഹത്തെ രൂപാന്തരപ്പെടുത്തി.
വിശുദ്ധ പത്രോസ് സ്വയം ക്ഷമിക്കാന് കഴിയാതെ വരുമ്പോള്
യേശുവിന് പത്രോസിനെ ഏറ്റവും ആവശ്യമുണ്ടായിരുന്ന രാത്രിയില് മൂന്നുതവണ അദ്ദേഹം യേശുവിനെ തള്ളിപ്പറഞ്ഞു. അവന് പുറത്തുപോയി ഒറ്റയ്ക്ക് വിങ്ങിപ്പൊട്ടി. എന്നിരുന്നാലും, പിന്നീട് യേശു അദ്ദേഹത്തോട് പറഞ്ഞു: ''എന്റെ ആടുകളെ മേയ്ക്കുക.'' യേശു അദ്ദേഹത്തെ ഉപേക്ഷിച്ചില്ല; പകരം വീണ്ടും തിരഞ്ഞെടുക്കുകയാണുണ്ടായത്.
കല്ക്കട്ടയിലെ വി. മദര് തെരേസ ഏകാന്തത
ദൈവത്തില് നിന്ന് പോലും അകന്ന് ഒറ്റപ്പെട്ടതുപോലെയുള്ള അനുഭവം 50 വര്ഷത്തോളം അവര് അനുഭവിച്ചു. അവരുടെ മരണശേഷം പ്രസിദ്ധീകരിച്ച കത്തുകള് പതിറ്റാണ്ടുകളോളം അവരുടെ ഉള്ളിലുണ്ടായിരുന്ന ആത്മീയ അന്ധകാരത്തെ വെളിപ്പെടുത്തുന്നു. എങ്കിലും അവര് സേവനം തുടര്ന്നു. അവര് പറഞ്ഞു: ''വിജയിക്കാനല്ല, വിശ്വസ്തനായിരിക്കാനാണ് ദൈവം എന്നെ വിളിച്ചിരിക്കുന്നത്.''
ലെയോളയിലെ വി. ഇഗ്നേഷ്യസ് ഉത്കണ്ഠ
മുപ്പതാം വയസ്സില് ഒരു പീരങ്കി ഉണ്ടയേറ്റ് ലെയോളയിലെ വി. ഇഗ്നേഷ്യസിന്റെ സൈനിക ജീവിതം അവസാനിച്ചു. ആരാണ് താനെന്ന് ആദ്യമായി വീണ്ടും പഠിക്കേണ്ടി വന്നു അദ്ദേഹത്തിന്. ആ പ്രതിസന്ധിയില് നിന്നാണ് അദ്ദേഹത്തിന്റെ 'ദൈവവിളി' രൂപപ്പെട്ടത്: സമാധാനം തരുന്നതും ഭയം ഉണ്ടാക്കുന്നതും തമ്മില് വേര്തിരിച്ചറിയാനുള്ള കല. അദ്ദേഹം ഉത്കണ്ഠയില് തളര്ന്നുനിന്നില്ല; അതിനെയൊരു മാര്ഗമാക്കി മാറ്റി.