ബസ് സര്‍വീസുകള്‍ നിലയ്ക്കുമോ? 'പ്രിയദര്‍ശിനി പദ്ധതി' പ്രതിസന്ധിക്കെതിരെ സെക്രട്ടേറിയറ്റ് മാര്‍ച്ചുമായാണ് സ്വകാര്യ ബസുടമകള്‍
തൃശ്ശൂര്‍: സംസ്ഥാനത്തെ സ്വകാര്യ ബസുടമകളുടെ സെക്രട്ടേറിയറ്റ് മാര്‍ച്ച് ഒക്ടോബര്‍ 14-ന് നടക്കും. സ്ത്രീകളുടെയും ട്രാന്‍സ്ജെന്‍ഡറുകളുടെയും സൗജന്യ യാത്രയ്ക്കായി നടപ്പിലാക്കിയ 'പ്രിയദര്‍ശിനി പദ്ധതി' മൂലം ദുരിതമനുഭവിക്കുന്ന ബസുടമകളെയും ജീവനക്കാരെയും സംരക്ഷിക്കണമെന്ന് ആവശ്യപ്പെട്ടാണ് കേരള സ്റ്റേറ്റ് പ്രൈവറ്റ് ബസ് ഓപ്പറേറ്റേഴ്‌സ് ഫെഡറേഷന്റെ നേതൃത്വത്തില്‍ സമരം സംഘടിപ്പിക്കുന്നത്. കൂടാതെ, പ്രവര്‍ത്തനച്ചെലവിന് ആനുപാതികമായി വിദ്യാര്‍ത്ഥികളുടെ കണ്‍സെഷന്‍ നിരക്കുകള്‍ ഉള്‍പ്പെടെയുള്ള ബസ് ചാര്‍ജ് വര്‍ധിപ്പിക്കണമെന്നും ഫെഡറേഷന്‍ ആവശ്യപ്പെടുന്നു.
സര്‍ക്കാര്‍ അനുകൂലമായ തീരുമാനമെടുത്തില്ലെങ്കില്‍ ഒക്ടോബര്‍ അവസാന വാരം ഫെഡറേഷന്‍ ഭാരവാഹികള്‍ സെക്രട്ടേറിയറ്റ് പടിക്കല്‍ നിരാഹാര സമരത്തിലേക്ക് കടക്കും. അതിനുശേഷവും പ്രശ്‌നത്തിന് പരിഹാരമുണ്ടായില്ലെങ്കില്‍ നവംബര്‍ ആദ്യവാരം മുതല്‍ സംസ്ഥാനവ്യാപകമായി സര്‍വീസുകള്‍ പൂര്‍ണ്ണമായി നിര്‍ത്തിവെച്ച് അനിശ്ചിതകാല പണിമുടക്കിലേക്ക് നീങ്ങുമെന്നും ബസുടമകളുടെ സംഘടന മുന്നറിയിപ്പ് നല്‍കിയിട്ടുണ്ട്.