യേശുവിന്റെ മാതൃസ്നേഹമെങ്ങനെയാണ്?
'അനന്തരം, എല്ലാം നിറവേറിക്കഴിഞ്ഞുവെന്ന് അറിഞ്ഞ് തിരുവെഴുത്തു പൂര്ത്തിയാകാന് വേണ്ടി യേശു പറഞ്ഞു: എനിക്കു ദാഹിക്കുന്നു' (യോഹ. 19. 28).
യേശു, തന്റെ പീഢാനുഭവ വേളയില് സകലതും കവര്ന്നെടുക്കപെട്ട നിലയില് ആയിരുന്നു. തന്റെ ജീവിതത്തിന്റെ അവസാന വിനാഴിക എത്തികഴിഞ്ഞു എന്ന് ഈശോ മനസ്സിലാക്കി. കാല്വരിമലയില് അവന്റെ അമ്മ അവനോടൊപ്പം ഉണ്ടായിരുന്നു.
അതുല്യമായ സ്നേഹത്തോടെ യേശു തന്റെ അമ്മയെ ലോകം മുഴുവനുമായി നല്കി. യേശുവിന്റെ പീഡസഹനങ്ങള് അവസാനിച്ചപ്പോള് സഭയ്ക്കും ലോകത്തിനും തന്റെ അമ്മയെ നല്കിയ്ത് അവിടുത്തെ കരുണ വ്യക്തമാക്കുന്നു.
ക്രിസ്തീയ പാരമ്പര്യവും സഭയുടെ പഠനങ്ങളും അനുസരിച്ചു പരിശുദ്ധ അമ്മയുടെ ആദ്ധ്യാത്മിക മാതൃത്വത്തെ ദര്ശിക്കാന് നമ്മുക്ക് സാധിയ്ക്കും. അത് കൊണ്ട് തന്നെ അമാനുഷികമായ ഈ മാതൃത്വം, കൃപയുടെ നിറവില് മനുഷ്യനില് ആദ്ധ്യാത്മികമായ ദിവത്വം ഉടലെടുക്കുവാന് സഹായിക്കുന്നു.
ഇത് മനുഷ്യനിലെ ദൈവസ്നേഹത്തില് അധിഷ്ഠിതമായ, മൃദുലമായ സ്നേഹബന്ധങ്ങളെ തൊട്ട് ഉണര്ത്തുന്നു; പ്രത്യാശ, വിശ്വാസം, സ്നേഹം ഇതെല്ലാം കര്ത്താവിന്റെ സ്നേഹോപഹരങ്ങളില് ഉള്പ്പെടുന്നു.
അമ്മയുടെ മാതൃസ്നേഹം, തന്റെ സ്വന്തം ജീവിതത്തില് അനുഭവിക്കുകയും ആസ്വദിക്കുകയും ചെയ്ത യേശു, ആ സ്നേഹം തന്റെ ശിഷ്യരും അനുഭവിച്ച് അറിയുവാനും അവരുടെ ആത്മീയ ജീവിതത്തിനു മുതല്കൂട്ടാവാനും ആഗ്രഹിച്ചിരിന്നു.
മറിയത്തെ അമ്മയായി അംഗീകരിക്കുകയും സ്വീകരിക്കുകയും ചെയ്ത് കൊണ്ട് ദൈവത്തിന്റെ നല്ല മക്കളായി, യേശുക്രിസ്തുവുമായുള്ള ഐക്യത്തില് പങ്ക് ചേരേണ്ടത് അനിവാര്യം ആണ്.
(വിശുദ്ധ ജോണ് പോള് രണ്ടാമന് മാര്പാപ്പ, റോം, 23.11.88)