കന്യാമറിയത്തെക്കുറിച്ച് ബൈബിൾ പറയുന്നതെന്ത്?

യേശു​വി​ന്റെ അമ്മയായ മറിയ​യ്‌ക്കു കന്യക​യാ​യി​രി​ക്കു​മ്പോൾത്തന്നെ യേശു​വി​നു ജന്മം നൽകാ​നുള്ള ശ്രേഷ്‌ഠ​മായ പദവി ലഭി​ച്ചെന്നു ബൈബിൾ പറയുന്നു. ഈ അദ്‌ഭുത​ത്തെ​ക്കു​റിച്ച്‌ ബൈബിൾപു​സ്‌ത​ക​മായ യശയ്യയിൽ മുൻകൂ​ട്ടി​പ്പ​റ​ഞ്ഞി​രു​ന്നു. അതിന്റെ നിവൃത്തി മത്തായി​യു​ടെ​യും ലൂക്കോ​സി​ന്റെ​യും സുവി​ശേ​ഷ​ത്തിൽ കാണാം.

 മിശി​ഹ​യു​ടെ ജനന​ത്തെ​ക്കു​റി​ച്ചുള്ള പ്രവച​ന​ത്തിൽ യശയ്യ ഇങ്ങനെ മുൻകൂ​ട്ടി​പ്പ​റഞ്ഞു: “ഇതാ, യുവതി ഗർഭി​ണി​യാ​യി ഒരു മകനെ പ്രസവി​ക്കും.” (യശയ്യ 7:14) ദൈവ​പ്ര​ചോ​ദി​ത​മാ​യി സുവി​ശേ​ഷ​യെ​ഴു​ത്തു​കാ​ര​നായ മത്തായി യശയ്യയു​ടെ ഈ പ്രവച​നത്തെ മറിയ​യ്‌ക്കു ബാധക​മാ​ക്കി. 

മറിയ അത്‌ഭുതക​ര​മാ​യി ഗർഭി​ണി​യാ​യി എന്ന കാര്യം പറഞ്ഞ​ശേഷം മത്തായി ഇങ്ങനെ കൂട്ടി​ച്ചേർത്തു: “ഇതെല്ലാം സംഭവി​ച്ചത്‌ യഹോവ പറഞ്ഞ കാര്യങ്ങൾ നിറ​വേ​റേ​ണ്ട​തി​നാണ്‌. ദൈവം തന്റെ പ്രവാ​ച​ക​നി​ലൂ​ടെ ഇങ്ങനെ പറഞ്ഞി​രു​ന്നു: ‘ഇതാ, കന്യക a ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ക്കും. അവർ അവന്‌ ഇമ്മാനു​വേൽ എന്നു പേരി​ടും.’ (പരിഭാ​ഷ​പ്പെ​ടു​ത്തു​മ്പോൾ ആ പേരിന്റെ അർഥം ‘ദൈവം ഞങ്ങളു​ടെ​കൂ​ടെ’ എന്നാണ്‌.)”—മത്തായി 1:22, 23.

 സുവി​ശേ​ഷ​യെ​ഴു​ത്തു​കാ​ര​നായ ലൂക്കോ​സും മറിയ​യു​ടെ അദ്‌ഭുത​ക​ര​മായ ഗർഭധാ​ര​ണ​ത്തെ​ക്കു​റിച്ച്‌ റിപ്പോർട്ട്‌ ചെയ്‌തു. ദൈവം ഗബ്രി​യേൽ ദൂതനെ അയച്ചതു “ദാവീ​ദു​ഗൃ​ഹ​ത്തി​ലെ യോ​സേഫ്‌ എന്ന പുരു​ഷ​നു​മാ​യി വിവാഹം നിശ്ചയി​ച്ചി​രുന്ന ഒരു കന്യക​യു​ടെ അടു​ത്തേ​ക്കാണ്‌” എന്ന്‌ അദ്ദേഹം എഴുതി. (ലൂക്കോസ്‌ 1:26, 27) താൻ ഒരു കന്യക​യാ​ണെന്ന കാര്യ​ത്തിൽ മറിയ​യ്‌ക്കു സംശയ​മി​ല്ലാ​യി​രു​ന്നു.