ബംഗാളില്‍ ക്രിസ്ത്യന്‍ പള്ളി ഉദ്ഘാടനത്തിനിടെ അക്രമം: വൈദികര്‍ക്കും വിശ്വാസികള്‍ക്കും നേരെ ആക്രമണം, ബസന്തി പൊലീസ് സ്റ്റേഷന്‍ പരിധിയിലുള്ള നാരായണ്‍തലയില്‍ ശനിയാഴ്ചയാണ് സംഭവം
കൊല്‍ക്കത്ത: പശ്ചിമബംഗാളിലെ സൗത്ത് 24 പര്‍ഗാനാസ് ജില്ലയില്‍ ക്രിസ്ത്യന്‍ ദേവാലയത്തിന്റെ ഉദ്ഘാടനത്തിനിടെ അതിക്രമം.
പള്ളിയിലേക്ക് പാഞ്ഞുകയറിയ ഒരു സംഘം ദേവാലയം തകര്‍ക്കുകയും പുരോഹിതന്മാരെയും വിശ്വാസികളെയും ആക്രമിക്കുകയും ചെയ്തു. നിരവധി പേര്‍ക്ക് പരിക്കേറ്റതായി പൊലീസ് പറഞ്ഞു.
ബസന്തി പൊലീസ് സ്റ്റേഷന്‍ പരിധിയിലുള്ള നാരായണ്‍തലയില്‍ ശനിയാഴ്ചയാണ് സംഭവം. ബിഷപ്പ് സുബ്രത ചക്രവര്‍ത്തിയും നിരവധി വൈദികരും സഭാംഗങ്ങളും ഉദ്ഘാടന ചടങ്ങില്‍ പങ്കെടുത്തു. 35ഓളം പേര്‍ വരുന്ന സംഘമാണ് ആക്രമിച്ചത്.
കുരിശ് നശിപ്പിക്കുകയും പുരോഹിതന്മാരെയും ഭക്തരെയും ആക്രമിക്കുകയും സംഭവം പകര്‍ത്താന്‍ ശ്രമിച്ചവരുടെ മൊബൈല്‍ ഫോണുകള്‍ തകര്‍ക്കുകയും ചെയ്തതായി പൊലീസ് പറഞ്ഞു.
പള്ളി പരിസരത്ത് മതപരമായ പ്രവര്‍ത്തനങ്ങള്‍ തടയുമെന്ന് സംഘം ഭീഷണിപ്പെടുത്തിയതായി സഭാംഗങ്ങള്‍ പറഞ്ഞു.
ബംഗിയ ക്രിസ്റ്റിയ പാരിസേബ (ബിസിപി) എന്ന ക്രിസ്ത്യന്‍ സംഘടന ബസന്തി പൊലീസ് സ്റ്റേഷനില്‍ പരാതി നല്‍കുകയും സംഭവത്തെ അപലപിക്കുകയും ന്യൂനപക്ഷ സമുദായത്തെ ഭയപ്പെടുത്താനുള്ള ശ്രമമാണെന്ന് വിശേഷിപ്പിക്കുകയും ചെയ്തു.
സംഘടനയുടെ സ്ഥാപകനും സംസ്ഥാന സെക്രട്ടറിയും വര്‍ക്കിംഗ് പ്രസിഡന്റുമായ ഹെറോദ് മുള്ളിക് ബിഷപ്പ് സന്നിഹിതനായിരുന്ന സ്ഥാനാരോഹണ ചടങ്ങിനിടെ നിരവധി പുരോഹിതന്മാര്‍ ആക്രമിക്കപ്പെട്ടുവെന്ന് പറഞ്ഞു.
ന്യൂനപക്ഷങ്ങളെ ലക്ഷ്യം വയ്ക്കാന്‍ സംഘടിത ഗ്രൂപ്പുകള്‍ നിയമം കൈയിലെടുക്കുന്നുവെന്ന് മുള്ളിക് കൂട്ടിച്ചേര്‍ത്തു.
എന്നാല്‍ ഒരേ സ്ഥലത്ത് 100 മീറ്ററില്‍ താഴെ അകലെ സ്ഥിതി ചെയ്യുന്ന രണ്ട് പള്ളികള്‍ക്കിടയിലാണ് തര്‍ക്കം ഉണ്ടായതെന്ന് പ്രാഥമിക അന്വേഷണത്തില്‍ വ്യക്തമായതായി ബസന്തി പൊലീസ് സ്റ്റേഷന്‍ ഓഫീസര്‍ ഇന്‍ ചാര്‍ജ് പ്രബീര്‍ ഘോഷ് പറഞ്ഞു. പുതുതായി ഉദ്ഘാടനം ചെയ്ത പള്ളിക്കെതിരെ മുമ്പ് പരാതി ലഭിച്ചിട്ടുണ്ടെന്നും അദ്ദേഹം പറഞ്ഞു.
പ്രാദേശിക ഹിന്ദു ജാഗരണ്‍ മഞ്ചിലെ അംഗങ്ങള്‍ 'ജയ് ശ്രീറാം' എന്ന് വിളിച്ചുകൊണ്ട് പരിസരത്ത് പ്രവേശിച്ചതായി ബിഷപ്പ് ചക്രവര്‍ത്തി മാധ്യമങ്ങളോട് പറഞ്ഞു.
ഹിന്ദു സ്ത്രീകളോട് പുറത്തുപോകാന്‍ അവര്‍ ഉത്തരവിട്ടുവെന്നും ചില ഹിന്ദു കുടുംബങ്ങള്‍ സഭയെ സംരക്ഷിക്കാന്‍ സഹായിച്ചുവെന്നും അദ്ദേഹം അവകാശപ്പെട്ടു.
പൊലീസ് ഈ ആരോപണങ്ങള്‍ സ്ഥിരീകരിച്ചിട്ടില്ല. സംഭവത്തില്‍ ഇതുവരെ ആരെയും അറസ്റ്റ് ചെയ്തിട്ടില്ല
ബംഗാളില്‍ ക്രിസ്ത്യന്‍ പള്ളി ഉദ്ഘാടനത്തിനിടെ അക്രമം: വൈദികര്‍ക്കും വിശ്വാസികള്‍ക്കും നേരെ ആക്രമണം, ബസന്തി പൊലീസ് സ്റ്റേഷന്‍ പരിധിയിലുള്ള നാരായണ്‍തലയില്‍ ശനിയാഴ്ചയാണ് സംഭവം
കൊല്‍ക്കത്ത: പശ്ചിമബംഗാളിലെ സൗത്ത് 24 പര്‍ഗാനാസ് ജില്ലയില്‍ ക്രിസ്ത്യന്‍ ദേവാലയത്തിന്റെ ഉദ്ഘാടനത്തിനിടെ അതിക്രമം.
പള്ളിയിലേക്ക് പാഞ്ഞുകയറിയ ഒരു സംഘം ദേവാലയം തകര്‍ക്കുകയും പുരോഹിതന്മാരെയും വിശ്വാസികളെയും ആക്രമിക്കുകയും ചെയ്തു. നിരവധി പേര്‍ക്ക് പരിക്കേറ്റതായി പൊലീസ് പറഞ്ഞു.
ബസന്തി പൊലീസ് സ്റ്റേഷന്‍ പരിധിയിലുള്ള നാരായണ്‍തലയില്‍ ശനിയാഴ്ചയാണ് സംഭവം. ബിഷപ്പ് സുബ്രത ചക്രവര്‍ത്തിയും നിരവധി വൈദികരും സഭാംഗങ്ങളും ഉദ്ഘാടന ചടങ്ങില്‍ പങ്കെടുത്തു. 35ഓളം പേര്‍ വരുന്ന സംഘമാണ് ആക്രമിച്ചത്.
കുരിശ് നശിപ്പിക്കുകയും പുരോഹിതന്മാരെയും ഭക്തരെയും ആക്രമിക്കുകയും സംഭവം പകര്‍ത്താന്‍ ശ്രമിച്ചവരുടെ മൊബൈല്‍ ഫോണുകള്‍ തകര്‍ക്കുകയും ചെയ്തതായി പൊലീസ് പറഞ്ഞു.
പള്ളി പരിസരത്ത് മതപരമായ പ്രവര്‍ത്തനങ്ങള്‍ തടയുമെന്ന് സംഘം ഭീഷണിപ്പെടുത്തിയതായി സഭാംഗങ്ങള്‍ പറഞ്ഞു.
ബംഗിയ ക്രിസ്റ്റിയ പാരിസേബ (ബിസിപി) എന്ന ക്രിസ്ത്യന്‍ സംഘടന ബസന്തി പൊലീസ് സ്റ്റേഷനില്‍ പരാതി നല്‍കുകയും സംഭവത്തെ അപലപിക്കുകയും ന്യൂനപക്ഷ സമുദായത്തെ ഭയപ്പെടുത്താനുള്ള ശ്രമമാണെന്ന് വിശേഷിപ്പിക്കുകയും ചെയ്തു.
സംഘടനയുടെ സ്ഥാപകനും സംസ്ഥാന സെക്രട്ടറിയും വര്‍ക്കിംഗ് പ്രസിഡന്റുമായ ഹെറോദ് മുള്ളിക് ബിഷപ്പ് സന്നിഹിതനായിരുന്ന സ്ഥാനാരോഹണ ചടങ്ങിനിടെ നിരവധി പുരോഹിതന്മാര്‍ ആക്രമിക്കപ്പെട്ടുവെന്ന് പറഞ്ഞു.
ന്യൂനപക്ഷങ്ങളെ ലക്ഷ്യം വയ്ക്കാന്‍ സംഘടിത ഗ്രൂപ്പുകള്‍ നിയമം കൈയിലെടുക്കുന്നുവെന്ന് മുള്ളിക് കൂട്ടിച്ചേര്‍ത്തു.
എന്നാല്‍ ഒരേ സ്ഥലത്ത് 100 മീറ്ററില്‍ താഴെ അകലെ സ്ഥിതി ചെയ്യുന്ന രണ്ട് പള്ളികള്‍ക്കിടയിലാണ് തര്‍ക്കം ഉണ്ടായതെന്ന് പ്രാഥമിക അന്വേഷണത്തില്‍ വ്യക്തമായതായി ബസന്തി പൊലീസ് സ്റ്റേഷന്‍ ഓഫീസര്‍ ഇന്‍ ചാര്‍ജ് പ്രബീര്‍ ഘോഷ് പറഞ്ഞു. പുതുതായി ഉദ്ഘാടനം ചെയ്ത പള്ളിക്കെതിരെ മുമ്പ് പരാതി ലഭിച്ചിട്ടുണ്ടെന്നും അദ്ദേഹം പറഞ്ഞു.
പ്രാദേശിക ഹിന്ദു ജാഗരണ്‍ മഞ്ചിലെ അംഗങ്ങള്‍ 'ജയ് ശ്രീറാം' എന്ന് വിളിച്ചുകൊണ്ട് പരിസരത്ത് പ്രവേശിച്ചതായി ബിഷപ്പ് ചക്രവര്‍ത്തി മാധ്യമങ്ങളോട് പറഞ്ഞു.
ഹിന്ദു സ്ത്രീകളോട് പുറത്തുപോകാന്‍ അവര്‍ ഉത്തരവിട്ടുവെന്നും ചില ഹിന്ദു കുടുംബങ്ങള്‍ സഭയെ സംരക്ഷിക്കാന്‍ സഹായിച്ചുവെന്നും അദ്ദേഹം അവകാശപ്പെട്ടു.
പൊലീസ് ഈ ആരോപണങ്ങള്‍ സ്ഥിരീകരിച്ചിട്ടില്ല. സംഭവത്തില്‍ ഇതുവരെ ആരെയും അറസ്റ്റ് ചെയ്തിട്ടില്ല