വേളാങ്കണ്ണി തിരുനാളിന് ഇന്നു കൊടിയേറും; കേരളത്തില്‍ നിന്ന് പ്രത്യേക ട്രെയിനുകള്‍

​​​​​​​

നാഗപട്ടണം: ലക്ഷകണക്കിന് തീര്‍ത്ഥാടകര്‍ ഒരുമിച്ച് കൂടുന്ന ദൈവമാതാവിന്റെ തിരുനാളിന് വേളാങ്കണ്ണി ബസിലിക്കയില്‍ ഇന്നു കൊടിയേറും. വൈകുന്നേരം 5.45നു തഞ്ചാവൂര്‍ രൂപത മെത്രാന്‍ ഡോ. സഹായരാജിന്റെ കാര്‍മികത്വത്തിലായിരിക്കും കൊടിയേറ്റ്. തുടര്‍ന്നു മാതാവിന്റെ നൊവേന, ദിവ്യകാരുണ്യ ആരാധന, വിശുദ്ധ കുര്‍ബാന എന്നിവ ഉണ്ടായിരിക്കും

തിരുനാളിന്റെ പത്തുദിവസത്തേക്കു വേളാങ്കണ്ണി ബസിലിക്കയില്‍ വരുന്ന ഭക്തര്‍ കടലില്‍ കുളിക്കുന്നതു വിലക്കി ജില്ലാ കളക്ടര്‍ ആകാശ് ഉത്തരവു പുറപ്പെടുവിച്ചു. വേളാങ്കണ്ണി പള്ളി തിരുനാളിനോട് അനുബന്ധിച്ചു ദക്ഷിണ റെയില്‍വേ 2 പ്രത്യേക ട്രെയിനുകള്‍ അനുവദിച്ചിട്ടുണ്ട്. എറണാകുളത്തുനിന്ന് കോട്ടയം- പുനലൂര്‍ വഴിയും തിരുവനന്തപുരം സെന്‍ട്രലില്‍ നിന്നു നാഗര്‍കോവില്‍ വഴിയുമാണു പ്രത്യേക ട്രെയിനുകള്‍.

06061 എറണാകുളം ജംക്ഷന്‍ - വേളാങ്കണ്ണി (സെപ്റ്റംബര്‍ 3, 10) 

എറണാകുളം: രാത്രി 11.50

കോട്ടയം: 12.45

ചങ്ങനാശേരി: 1.00

വേളാങ്കണ്ണി: ഉച്ചയ്ക്ക് 3.15

****** 06062 വേളാങ്കണ്ണി - എറണാകുളം ജംക്ഷന്‍ (സെപ്റ്റംബര്‍ 4, 11) 

വേളാങ്കണ്ണി: വൈകിട്ട് 6.40

ചങ്ങനാശേരി: പിറ്റേന്ന് രാവിലെ 9.47

കോട്ടയം: 10.04

എറണാകുളം: 11.55.