ആധാര് പിവിസി കാര്ഡിന്റെ സര്വീസ് ചാര്ജ് കുത്തനെ കൂട്ടി UIDAI
ആധാര് സേവനങ്ങളിലും 'വിലക്കയറ്റം'. ആധാര് പിവിസി കാര്ഡിന്റെ സര്വീസ് ചാര്ജ് വര്ധിപ്പിച്ച് യു ഐ ഡി എ ഐ. 50 രൂപയായിരുന്ന അപേക്ഷാ ഫീസ് 75 രൂപയാക്കിയാണ് വര്ധിപ്പിച്ചത്.
നികുതിയും ഡെലിവറി ചാര്ജും ഉള്പ്പടെ ഉള്ള ഈ വില വര്ദ്ധനവ് ജനുവരി ഒന്ന് മുതല് നിലവില് വന്നു.
അഞ്ച് വര്ഷം മുമ്പാണ് ആധാര് പിവിസി കാര്ഡ് കേന്ദ്രം അവതരിപ്പിച്ചത്. അതിന് ശേഷം ആദ്യമായിട്ടാണ് വില കൂടുന്നത്. ഔദ്യോഗിക പ്ലാറ്റ്ഫോമുകള് വഴി വില വര്ധിപ്പിച്ച വിവരം യു ഐ ഡി എ ഐ പങ്കുവച്ചു.
വാലറ്റുകളില് സൂക്ഷിക്കാന് പറ്റുന്ന സുരക്ഷിതവും ലളിതവും ക്രെഡിറ്റ് കാര്ഡിന്റെ മാതൃകയില് നിര്മിച്ചതുമായ പതിപ്പായിട്ടാണ് ആധാര് പിവിസി കാര്ഡ് വരുന്നത്. പ്ലാസ്റ്റിക് കൊണ്ട് ഈട് നില്ക്കുന്ന രീതിയില് കൂടുതല് സുരക്ഷാ സവിശേഷതകളോടെ സജ്ജീകരിച്ചിരിക്കുന്ന ഈ കാര്ഡ് കയ്യില് സൂക്ഷിക്കാന് എളുപ്പമാണ്.
നിര്മാണ ചെലവുകള്, വിതരണം, മറ്റ് ലോജിസ്റ്റിക് ചിലവുകളിലെ വര്ധനയാണ് വില കൂടാനുള്ള കാരണമായി യു ഐ ഡി എ ഐ പറയുന്നത്.