ഫ്രാന്സില് കത്തോലിക്കാ സഭയിലേക്ക് ഒഴുകിയെത്തുന്നത് ആയിരങ്ങള്; പ്രതീക്ഷിച്ചതിലും വലിയ മാറ്റമെന്ന് സഭാ നേതൃത്വം
ക്രൈസ്തവ മൂല്യങ്ങളില് നിന്ന് അകലുന്നുവെന്ന് കരുതപ്പെട്ടിരുന്ന ഫ്രാന്സില്, പ്രതീക്ഷകള്ക്കപ്പുറമുള്ള വലിയ വിശ്വാസ ഉണര്വിന് കത്തോലിക്കാ സഭ സാക്ഷ്യം വഹിക്കുന്നു.
സമീപകാലത്തായി ആയിരക്കണക്കിന് മുതിര്ന്നവരും ചെറുപ്പക്കാരുമാണ് മാമോദീസ സ്വീകരിച്ച് കത്തോലിക്കാ സഭയുടെ ഭാഗമാകുന്നത്. സഭാ നേതൃത്വത്തെപ്പോലും അദ്ഭുതപ്പെടുത്തുന്ന തരത്തിലാണ് ഈ പുതിയ മുന്നേറ്റം.
കഴിഞ്ഞ കുറച്ചു വര്ഷങ്ങളായി ഫ്രാന്സിലെ രൂപതകളില് മാമോദീസ സ്വീകരിക്കുന്ന മുതിര്ന്നവരുടെ എണ്ണത്തില് റെക്കോര്ഡ് വര്ധനവാണ് രേഖപ്പെടുത്തിയിരിക്കുന്നത്.
പ്രത്യേകിച്ച് ഈസ്റ്റര് ദിനങ്ങളില് സഭയിലേക്ക് ചേരുന്നവരുടെ എണ്ണം മുന്വര്ഷങ്ങളെ അപേക്ഷിച്ച് വന്തോതില് ഉയര്ന്നു. സഭയിലേക്ക് കടന്നുവരുന്നവരില് ഭൂരിഭാഗവും 18-നും 25-നും ഇടയില് പ്രായമുള്ള യുവാക്കളാണ്.
ഡിജിറ്റല് യുഗത്തിലും ഭൗതികവാദ സാഹചര്യങ്ങളിലും ജീവിക്കുന്ന ചെറുപ്പക്കാര് ആത്മീയമായ ശാന്തിയും ജീവിതത്തിന് വ്യക്തമായ അര്ഥവും തേടിയാണ് സഭയിലേക്ക് അടുക്കുന്നത്.
പരമ്പരാഗതമായി കത്തോലിക്കാ പശ്ചാത്തലമില്ലാത്ത കുടുംബങ്ങളില് നിന്നുള്ളവരും, മറ്റ് മതങ്ങളില് നിന്നോ അല്ലെങ്കില് യാതൊരു മതവിശ്വാസവുമില്ലാത്ത കുടുംബങ്ങളില് നിന്നുള്ളവരുമാണ് സഭയിലേക്ക് കടന്നുവരുന്നവരില് വലിയൊരു വിഭാഗം എന്നാണ് കണക്കുകള് രേഖപ്പെടുത്തുന്നത്.
യുവാക്കളുടെയും പുതിയ വിശ്വാസികളുടെയും ഈ ഒഴുക്ക് ഫ്രഞ്ച് സഭയ്ക്ക് പുതിയ ജീവനും പ്രത്യാശയും നല്കുന്നുവെന്ന് മെത്രാന്മാരും വൈദികരും വ്യക്തമാക്കുന്നു.
സഭയില് അവര്ക്കായി പ്രത്യേക പഠന ക്ലാസുകളും സമ്പര്ക്ക പരിപാടികളും കൂടുതല് സജീവമാക്കിയിട്ടുണ്ട്.
പാശ്ചാത്യ രാജ്യങ്ങളില് മതേതരത്വം ശക്തമാകുന്ന കാലഘട്ടത്തിലും, ഫ്രാന്സിലെ യുവതലമുറയ്ക്കിടയില് വിശ്വാസത്തോടും ദൈവത്തോടുമുള്ള ആഭിമുഖ്യം വര്ധിക്കുന്നത് ആഗോള സഭയ്ക്ക് തന്നെ വലിയ പ്രതീക്ഷയാണ് നല്കുന്നത്.