ഈ വര്ഷത്തെ ക്രിസ്മസിന്റെ പ്രത്യേകത - ഇനി ഇങ്ങനെ വരാന് 100 വര്ഷം കാത്തിരിക്കണം
ക്രിസ്മസ് ട്രീയും പുല്ക്കൂടുമൊരുക്കി ക്രിസ്മസിനെ വരവേല്ക്കാനുള്ള ഒരുക്കങ്ങള് തുടങ്ങി. എന്നാല്, ഇത്തവണത്തെ ക്രിസ്മസിന് ഒരു പ്രത്യേകതയുണ്ട്.
ഈ വര്ഷം ക്രിസ്മസ് വരുന്നത് 25/12/25 എന്ന തീയതിയിലാണ്. സംഖ്യാപരമായ ഒരു സവിശേഷതയാണത്. നൂറ്റാണ്ടിലൊരിക്കല് മാത്രം സംഭവിക്കുന്ന ഒരു പ്രത്യേകത.
എല്ലാ വര്ഷവും ക്രിസ്മസ് 25-നാണെങ്കിലും ഇത്തവണ വര്ഷവും 25-ലാണ് അവസാനിക്കുന്നത്. അതായത് ക്രിസ്മസ് തീയതിയും വര്ഷവും അവസാനിക്കുന്നത് ഒരുപോലെ. ഇത് വളരെ അപൂര്വമാണ്. മുന്നില്നിന്നും പിന്നില്നിന്നും വായിച്ചാല് ഒരുപോലെ തന്നെ എന്നതും മറ്റൊരു സവിശേഷത.
ഇതിനുമുമ്പ് ഇങ്ങനെയുണ്ടായിട്ടുള്ളത് 1925-ലാണ്. ഇനിയിങ്ങനെ സംഭവിക്കുക 2125-ലായിരിക്കും. അതായത് 100 വര്ഷം കൂടി കാത്തിരിക്കേണ്ടി വരുമെന്നര്ഥം. അതുകൊണ്ടുതന്നെ പലയാളുകള്ക്കും ഇതൊരു കൗതുകമാണ്.
ഇതിന് സംസ്കാരപരമായോ മതപരമായോ യാതൊരു ബന്ധവുമില്ലെങ്കിലും സംഖ്യാശാസ്ത്രം ഇഷ്ടപ്പെടുന്നവര് ഇതൊരു അപൂര്വതയായി രേഖപ്പെടുത്തുന്നു.