ഇപ്പോൾ പറയുന്ന പ്രശ്നങ്ങൾ ഒന്നും അതിലില്ല, അന്നത്തെ കായിക മന്ത്രി വിശദീകരിക്കും-മെസി വിവാദത്തിൽ പ്രതികരണവുമായി പിണറായി വിജയൻ
 

തിരുവനന്തപുരം: അർജന്റീന ഫുട്ബോൾ ടീമിനെയും ലയണൽ മെസിയെയും കേരളത്തിൽ എത്തിക്കുന്നതുമായി ബന്ധപ്പെട്ട ഇടപാടുകളിലെ ക്രമക്കേടുകൾക്കെതിരെയുള്ള ആരോപണങ്ങളിൽ പ്രതികരിച്ച് മുൻ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയൻ. നിലവിൽ ഉന്നയിക്കപ്പെടുന്ന പ്രശ്നങ്ങളൊന്നും ആ ഇടപാടുകളിൽ ഇല്ലെന്ന് വ്യക്തമാക്കിയ അദ്ദേഹം, അന്നത്തെ കായിക മന്ത്രി ഇതുസംബന്ധിച്ച കാര്യങ്ങൾ വിശദീകരിക്കുമെന്നും അറിയിച്ചു.

മന്ത്രിക്ക് സ്പെയിനിൽ പോകാൻ പ്രത്യേക കരാറുകളുടെ ആവശ്യമില്ലെന്നും, ഇപ്പോഴത്തെ വിവാദങ്ങൾക്ക് പിന്നിൽ മറ്റ് കാര്യങ്ങളിൽ നിന്നുള്ള ശ്രദ്ധ തിരിക്കാനുള്ള ശ്രമമാണെന്ന് സംശയിക്കുന്നതായും അദ്ദേഹം മാധ്യമങ്ങളോട് പറഞ്ഞു. തനിക്ക് ചില കാര്യങ്ങൾ മാത്രമേ അറിയൂവെന്നും എന്നാൽ യാതൊരുവിധ ക്രമക്കേടുകളും നടന്നിട്ടില്ലെന്നും പിണറായി വിജയൻ കൂട്ടിച്ചേർത്തു. ഇക്കാര്യത്തിൽ ഔദ്യോഗികമായി തനിക്ക് കത്തൊന്നും ലഭിച്ചിട്ടില്ലെന്നും അദ്ദേഹം വ്യക്തമാക്കി.