ചൂരല്‍മല ഭാഗത്തേക്ക് ബസുകളില്ല, വയനാട് കെ എസ് ആര്‍ ടി സി ഡിപ്പോയില്‍ ഡീസല്‍ പ്രതിസന്ധി രൂക്ഷം. 18 ഓളം ബസുകള്‍ ഓട്ടം നിര്‍ത്തി
വയനാട് : കല്‍പ്പറ്റ കെ എസ് ആര്‍ ടി സി ഡിപ്പോയില്‍ ഡീസല്‍ പ്രതിസന്ധി രൂക്ഷം. 4 സര്‍വീസുകള്‍ മുടങ്ങി. കല്‍പ്പറ്റയില്‍ 18 ഓളം ബസ്സുകള്‍ ഓട്ടം നിര്‍ത്തി.
വടുവന്‍ച്ചാല്‍, മാനന്തവാടി, വൈത്തിരി ഭാഗത്തേയ്ക്കുള്ള സര്‍വ്വീസുകളാണ് മുടങ്ങിയത്.മുണ്ടക്കൈ, ചോലാടി മാനന്തവാടി എന്നിവ ഒരു ട്രിപ്പ് മാത്രം നടത്തി അവസാനിപ്പിച്ചു.
ലോക്കല്‍ ഓടുന്ന കെ എസ് ആര്‍ ടി സിബസുകള്‍ക്ക് തകരാറായി കിടക്കുന്ന ബസുകളില്‍ നിന്നാണ് ഡീസല്‍ ഊറ്റിയെടുത്ത് കൊടുക്കുന്നത്.
രാവിലെ 08:30 ന് ശേഷം ചൂരല്‍മല ഭാഗത്തേക്ക് ബസ്സുകളില്ല. അന്തര്‍ സംസ്ഥാന സര്‍വീസും തടസപ്പെട്ടു. മാനന്തവാടിയില്‍ 500 ലിറ്റര്‍ ഡീസല്‍ മാത്രമാണ് ബാക്കിയുള്ളത്.
ബത്തേരി ഗൂഡല്ലൂര്‍ സര്‍വീസ് ആണ് ഓട്ടം നിര്‍ത്തിയത്. ജില്ലയില്‍ 20 സര്‍വീസുകള്‍ ഇതുവരെ തടസപ്പെട്ടു. ബത്തേരിയിലും മാനന്തവാടിയിലും പ്രതിസന്ധി തുടരുന്നു.
രാവിലെ മുകാംബിലയിലേക്ക് പോയ ബസ് പ്രൈവറ്റ് പെട്രോള്‍ പമ്പില്‍ നിന്നുമാണ് ഡീസല്‍ അടിച്ചത്. ഈ പ്രതിസന്ധി തുടരുകയാണെങ്കില്‍ പല സര്‍വീസുകളും മുടങ്ങുമെന്നും കെ എസ് ആര്‍ ടി സി ജീവനക്കാര്‍ അറിയിച്ചു.