റോയ്ക്ക് പുതിയ മേധാവി. പരാഗ് ജയിന്‍ റോ മേധാവിയായി ജൂലൈ ഒന്നിന് സ്ഥാനമേല്‍ക്കും. ഓപ്പറേഷന്‍ സിന്ദൂരില്‍ നിര്‍ണായക പങ്കു വഹിച്ച വ്യക്തി
മുതിര്‍ന്ന ഐപിഎസ് ഉദ്യോഗസ്ഥന്‍ പരാഗ് ജെയിന്‍, ഇന്ത്യയുടെ രഹസ്യാന്വേഷണ ഏജന്‍സിയായ റോയുടെ അടുത്ത മേധാവിയാകും. നിലവിലെ സെക്രട്ടറി രവി സിന്‍ഹയുടെ സേവന കാലാവധി ജൂണ്‍ മുപ്പതിന് അവസാനിക്കും. ഈ പശ്ചാത്തലത്തിലാണ് അടുത്ത മേധാവിയായി കേന്ദ്രസര്‍ക്കാര്‍ പരാഗിനെ നിയമിച്ചത്.
1989 ബാച്ച് പഞ്ചാബ് കേഡര്‍ ഐപിഎസ് ഉദ്യോഗസ്ഥനാണ് പരാഗ്. കേന്ദ്രസര്‍വീസില്‍ ഡെപ്യൂട്ടേഷനിലുള്ള പരാഗ് നിലവില്‍ ഏവിയേഷന്‍ റിസര്‍ച്ച് സെന്ററിന്റെ തലവനാണ്. ജൂലൈ ഒന്നിന് റോയിയുടെ മേധാവിയായി സ്ഥാനമേല്‍ക്കുന്ന പരാജയന്റെ സേവന കാലാവധി രണ്ടു വര്‍ഷമായിരിക്കും.
ഓപ്പറേഷന്‍ സിന്ദൂര്‍ സൈനിക നടപടിയുടെ ഭാഗമായി പാകിസ്താനി സൈന്യവുമായും ഭീകരകേന്ദ്രങ്ങളുമായും ബന്ധപ്പെട്ട രഹസ്യവിവരങ്ങള്‍ ശേഖരിക്കുന്നതില്‍ നിര്‍ണായക പങ്കുവഹിച്ച വിഭാഗമായിരുന്നു പരാഗ് നയിച്ച ഏവിയേഷന്‍ റിസര്‍ച്ച് സെന്റര്‍. മുന്‍പ് ചണ്ഡീഗഢ് എസ്എസ്പിയായി സേവനം അനുഷ്ഠിച്ചിട്ടുള്ള പരാഗ്, ജമ്മു കശ്മീരില്‍ ഭീകരവിരുദ്ധ നടപടികളുടെ ഭാഗമാവുകയും ചെയ്തിട്ടുണ്ട്.