സംസ്ഥാനത്ത് മഴ കനക്കുമെന്ന മുന്നറിയിപ്പുമായി കേന്ദ്ര കാലാവസ്ഥ വകുപ്പ്
സംസ്ഥാനത്ത് വിവിധ ജില്ലകളില് ശക്തമായ മഴയുണ്ടാവാന് സാധ്യതയുള്ളതായി കാലാവസ്ഥ വകുപ്പ് പുറത്തുവിട്ട മുന്നറിയിപ്പില് പറയുന്നു. ഇന്ന് എട്ട് ജില്ലകളില് ആണ് യെല്ലോ അലേര്ട്ട് പ്രഖ്യാപിച്ചിട്ടുള്ളത്.
കാസര്ഗോഡ്, കണ്ണൂര്, കോഴിക്കോട്, വയനാട്, മലപ്പുറം, തൃശൂര്, എറണാകുളം, ആലപ്പുഴ എന്നീ ജില്ലകളില് ആണ് ഇന്ന് യെല്ലോ അലേര്ട്ട്.
ശക്തമായ മഴ തുടരുന്ന സാഹചര്യത്തില് നാളെയും വിവിധ ജില്ലകളില് യെല്ലോ അലേര്ട്ട് നിലനില്ക്കുന്നുണ്ട്. നാളെ രണ്ട് ജില്ലകളില് യെല്ലോ അലേര്ട്ട്. കാസര്ഗോഡ്, കണ്ണൂര് ജില്ലകളിലാണ് നാളെ യെല്ലോ അലേര്ട്ട്.
ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും മണിക്കൂറില് 40 മുതല് 50 കിലോമീറ്റര് വരെ വേഗതയില് ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കിയിട്ടുണ്ട്. കേരള ലക്ഷദീപ് തീരങ്ങളില് ഇന്ന് മത്സ്യ ബന്ധനത്തിനും വിലക്കുണ്ട്
ജൂണ് 25ന് പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലും യെല്ലോ അലേര്ട്ടുണ്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഈ ജില്ലകളില് പ്രവചിക്കപ്പെട്ടിരിക്കുന്നത്. അതായത്, 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിച്ചേക്കും.