ഭാരതത്തിലെ ആദ്യ കപ്പൂച്ചിൻ ദൈവദാസനായ ഫാ. തിയോഫിനെ 'ധന്യൻ' പദവിയിലേക്ക് ഉയർത്തിയതിന്റെ ആഘോഷങ്ങൾ  ജന്മനാടായ കോട്ടപ്പുറത്ത് മെയ് 10 നു

ഭാരതത്തിലെ ആദ്യ കപ്പൂച്ചിൻ ദൈവദാസനായ ഫാ. തിയോഫിനെ 'ധന്യൻ' പദവിയിലേക്ക് ഉയർത്തിയതിന്റെ ആഘോഷങ്ങൾ അദ്ദേഹത്തിന്റെ ജന്മനാടായ കോട്ടപ്പുറത്ത് മെയ് 10 നു നടക്കും. കോട്ടപ്പുറം സെന്റ് മൈക്കിൾസ് കത്തീഡ്രൽ കേന്ദ്രീകരിച്ചാണ് പ്രധാന ചടങ്ങുകൾ ക്രമീകരിച്ചിരിക്കുന്നത്. നാളെ വൈകുന്നേരം 5:00 മണിക്ക് ധന്യൻ തിയോഫിനച്ചന്റെ കൂടല്ലൂർ തറവാട്ടിലെ ജന്മഗൃഹത്തിൽ നിന്ന് ഛായാചിത്ര പ്രയാണവും പ്രാർത്ഥനയും ആരംഭിക്കും. കോട്ടപ്പുറം രൂപത വികാരി ജനറാൾ മോൺ. റോക്കി റോബി കളത്തിൽ ഇതിന് നേതൃത്വം നൽകും. പ്രയാണം കത്തീഡ്രൽ അങ്കണത്തിലുള്ള തിയോഫിൽ ആർക്കേഡിൽ സമാപിക്കും