മെക്സിക്കോ സിറ്റിയിലെ പ്രശസ്തമായ ഗ്വാഡലൂപ്പ ബസിലിക്ക, മരണമടഞ്ഞ അമ്മമാരുടെ സ്മരണയ്ക്കായി മാതൃദിനത്തിൽ  പ്രത്യേക പ്രാർഥനകൾ സംഘടിപ്പിക്കുന്നു

മെക്സിക്കോ സിറ്റിയിലെ പ്രശസ്തമായ ഗ്വാഡലൂപ്പ ബസിലിക്ക, മരണമടഞ്ഞ അമ്മമാരുടെ സ്മരണയ്ക്കായി മാതൃദിനത്തിൽ (മെയ് 10, ഞായറാഴ്ച) പ്രത്യേക പ്രാർഥനകൾ സംഘടിപ്പിക്കുന്നു. ഇതിന്റെ ഭാഗമായി വിശ്വാസികൾക്ക് തങ്ങളുടെ പരേതരായ അമ്മമാരുടെ ചിത്രങ്ങൾ ഇമെയിൽ വഴി അയച്ചുനൽകാവുന്നതാണ്.

basilica.guadalupe@gmail.com എന്ന ഇമെയിൽ വിലാസത്തിലേക്ക് മെയ് 1 മുതൽ 5 വരെയുള്ള തീയതികളിൽ ഫോട്ടോകൾ അയക്കാനായിരുന്നു നിർദ്ദേശം. 1531-ൽ വിശുദ്ധ ജുവാൻ ഡിഗോയുടെ വസ്ത്രത്തിൽ അദ്ഭുതകരമായി തെളിഞ്ഞ ഗ്വാഡലൂപ്പ മാതാവിന്റെ യഥാർഥ ചിത്രം സൂക്ഷിച്ചിരിക്കുന്ന ഈ മരിയൻ തീർഥാടന കേന്ദ്രം, തങ്ങളുടെ സോഷ്യൽ മീഡിയ പേജിലൂടെയാണ് ഈ വിവരം പങ്കുവെച്ചത്. മെയ് 10-ന് ഉച്ചയ്ക്ക് 12:00 മണിക്ക് ബസിലിക്കയിലെ പ്രധാന പീഠത്തിൽ നടക്കുന്ന വിശുദ്ധ കുർബാനയിൽ ഈ അമ്മമാരുടെ നിത്യശാന്തിക്കായി പ്രത്യേകമായി പ്രാർഥിക്കും.