ശബരി ബ്രാന്‍ഡ് വെളിച്ചെണ്ണയ്ക്ക് വില കുറച്ച് സപ്ലൈകോ
തിരുവനന്തപുരം: സപ്ലൈകോ ശബരി ബ്രാന്‍ഡിലെ വെളിച്ചെണ്ണയ്ക്ക് ഇന്ന് മുതല്‍ വില കുറച്ചു. ലിറ്ററിന് സബ്‌സിഡി നിരക്കില്‍ 339 രൂപയായും സബ്‌സിഡി ഇതര നിരക്കില്‍ 389 രൂപയായും സപ്ലൈകോ വില്പനശാലകളില്‍ ലഭിക്കും. സബ്‌സിഡി ഇതര നിരക്കില്‍ ഉള്ള വെളിച്ചെണ്ണ ഉപഭോക്താവിന് ആവശ്യം പോലെ വാങ്ങാം.
ഓണക്കാലത്ത് വിപണിയിടപെടലിന് വിപുലമായ ക്രമീകരണങ്ങള്‍ ഒരുക്കിയെന്നായിരുന്നു ഭക്ഷ്യ വകുപ്പ് മന്ത്രി ജിആര്‍ അനില്‍ പാറഞ്ഞത്. അതേസമയം, ഓണക്കാലത്ത് കുറഞ്ഞ വിലയില്‍ ഉപഭോക്താക്കള്‍ സാധനങ്ങള്‍ ലഭ്യമാക്കാനുള്ള കണ്‍സ്യൂമര്‍ഫെഡിന്റെ ഓണച്ചന്തകള്‍ നാളെ മുതല്‍ ആരംഭിക്കും.
സെപ്റ്റംബര്‍ നാല് വരെയാണ് ചന്തയുടെ പ്രവര്‍ത്തനം. 26 ത്രിവേണി സൂപ്പര്‍ മാര്‍ക്കറ്റുകള്‍ ഉള്‍പ്പെടെ 167 കേന്ദ്രങ്ങളിലാണ് ഓണച്ചന്തകള്‍ തുറക്കുക.സംസ്ഥാനതല ഉദ്ഘാടനം നാളെ വൈകിട്ട് 5 ന് മുഖ്യമന്ത്രി പിണറായി വിജയന്‍ നിര്‍വഹിക്കും.