സണ്ഡേ സ്കൂള് അധ്യാപക ക്ഷേമനിധി; നിലപാട് വ്യക്തമാക്കി കെസിബിസി
കൊച്ചി: ജെ.ബി കോശി കമ്മീഷന് റിപ്പോര്ട്ടില് ശിപാര്ശ ചെയ്ത സണ്ഡേസ്കൂള് അധ്യാപക ക്ഷേമനിധിയെ സംബന്ധിച്ച് കേരള കത്തോലിക്കാ സഭ നിലപാട് വ്യക്തമാക്കി.
സംസ്ഥാന ന്യൂനപക്ഷക്ഷേമ വകുപ്പ് ഡയറക്ടറുടെ അധ്യ ക്ഷതയില് ചേര്ന്ന യോഗത്തില്, ജെ.ബി കോശി കമ്മീഷന്റെ ശിപാര്ശയുടെ നടപ്പാക്കല് എന്ന നിലയില് സണ്ഡേസ്കൂള് ക്ഷേമനിധി എന്ന ആശയം അവതരിപ്പിച്ചിരുന്നു. അതിവേഗത്തില് നടപ്പിലാക്കേണ്ട നിര്ദ്ദേശമോ നടപടിയോ അല്ല ഇത്.
അവധാനതയോടെ, ആവശ്യമായ കൂടിയാലോചനകളിലൂടെ നടപ്പിലാക്കേണ്ട നിര്ദ്ദേശമാണെന്ന് കെസിബിസി ഡപ്യൂട്ടി സെക്രട്ടറി ജനറല് ഫാ. തോമസ് തറയില് പുറപ്പെടുവിച്ച പ്രസ്താവനയില് ചൂണ്ടിക്കാട്ടി.
കേരളത്തിലെ ക്രൈസ്തവസഭകളില് മതബോധനം അഥവാ വിശ്വാസ പരിശീലനം വ്യത്യസ്തമായ രീതികളിലും മാര്ഗ ങ്ങളിലുമാണ് അവലംബിച്ചു വരുന്നത്. വിപുലമായ ഈ മേഖലയെപറ്റി ന്യൂനപക്ഷ വകുപ്പ് ഏതെങ്കിലും വിധത്തിലുള്ള പഠനം നടത്തിയിട്ടുള്ളതായി അറിവില്ല.
സര്ക്കാര് വിഭാവനം ചെയ്യുന്ന ക്ഷേമനിധിയുടെ വിശദമായ ഡ്രാഫ്റ്റ് ചര്ച്ചകള്ക്കും പഠനത്തിനുമായി നല്കണമെന്ന് കത്തോലിക്കാ സഭാ പ്രതിനിധികള് ആ യോഗത്തില് ആവശ്യ പ്പെട്ടിരുന്നു.
എങ്കിലും, നിലവിലുള്ള മദ്രസ ക്ഷേമനിധിയുടെ വിജ്ഞാപനം അയച്ചു നല്കിയശേഷം അതിന്റെ അധ്യായം ആറിലെ (ഖണ്ഡിക 17-27) ക്ഷേമനിധി അനുകൂല്യങ്ങളെകുറിച്ചുള്ള അഭിപ്രായം ജനുവരി 16-നകം അറിയിക്കണം എന്നുമാത്രമാണ് ന്യൂനപക്ഷ ക്ഷേമ വകുപ്പ് കത്തിലൂടെ ക്രൈസ്തവ സഭകളോട് ആവശ്യപ്പെട്ടിരിക്കുന്നത്.
മതാധ്യാപകരെക്കുറിച്ചുള്ള നിര്വചനം, അംഗത്വം, പദ്ധതികളുടെ നടത്തിപ്പ്, ഭരണസംവിധാനം, സാമ്പത്തിക സമാഹരണം തുടങ്ങി യവയെ കുറിച്ചുള്ള ഒരു വിവരവും ഇതുവരെയും ലഭ്യമാക്കാതെ, ക്ഷേമനിധി ആനുകൂല്യങ്ങളെകുറിച്ച് മാത്രം അഭിപ്രായം ആരാ യുന്ന സര്ക്കാര് നീക്കത്തോട് സഹകരിക്കാനാവില്ലെന്ന് പ്രസ്താവനയില് വ്യക്തമാക്കുന്നു. പദ്ധതിയുടെ ഘടനയോ ഉള്ളടക്കമോ ഇതുവരെ വെളിപ്പെടുത്തിയിട്ടില്ല. അറിയാത്ത ഒന്നിനെകുറിച്ച് അഭിപ്രായം പറയുക അസാധ്യമാണ്.
കത്തോലിക്കാ സഭയിലെ വിശ്വാസ പരിശീലനം സമര്പ്പിത സ്വഭാവമുള്ള സേവനമാണ്, അതൊരിക്കലും ജോലിയായി സഭ കരുതുന്നില്ല. യാതൊരു വിധത്തിലുമുള്ള വേതനമോ പാരിതോഷികമോ അവര് സ്വീകരിക്കുന്നുമില്ല. സഭയുടെ സുവി ശേഷ പ്രഘോഷണദൗത്യത്തില് പൂര്ണ്ണമനസോടെ പങ്കാളിക ളാകുന്ന പ്രേഷിതരാണ് മതാധ്യാപകര്.
മതപഠനം പൂര്ണ്ണമായും സഭയുടെ (അതാത് മതങ്ങളുടെ) സ്വകാര്യ ഉത്തരവാദിത്വം ആയതിനാലും അതിന്മേല് സര്ക്കാര് ചെലവിലുള്ള ആനുകൂല്യങ്ങള് സ്വീകരിക്കേണ്ടതില്ല എന്ന നിലപാട് സഭ പുലര്ത്തുന്നതിനാലും സര്ക്കാരിന്റെ സണ്ഡേസ്കൂള് ക്ഷേമനിധി എന്ന ആശയത്തോട് കത്തോലിക്കാ സഭ അനുകൂല നിലപാട് സ്വീകരിക്കുന്നില്ലെന്ന് പ്രസ്താവനയില് പറയുന്നു.
അതേസമയം, ക്രൈസ്തവ സമൂഹത്തിലെ ദുര്ബല വിഭാഗങ്ങളെ ഉള്ക്കൊള്ളുന്ന ക്ഷേമപദ്ധതികള് ആവിഷ്കരിച്ച് നടപ്പാക്കാന് സര്ക്കാര് തയ്യാറാകണമെന്ന് പ്രസ്താവനയില് ആവശ്യപ്പെട്ടു.
വേണ്ടത്ര ആലോചനയോ ചര്ച്ചകളോ കൂടാതെ തിടുക്കത്തില് ഒരു ഓര്ഡിനന്സിലൂടെ സണ്ഡേസ്കൂള് അധ്യാപക ക്ഷേമനിധി നടപ്പില് വരുത്താന് സര്ക്കാര് തലത്തില് തീരുമാനങ്ങള് ഉണ്ടാ യിട്ടുണ്ടെങ്കില് അതില് നിന്നു പിന്മാറണമെന്ന് കെസിബിസി സര്ക്കാരിനോട് ആവശ്യപ്പെട്ടു.
കെസിബിസിയുടെ ഭാരവാഹികളായ ബിഷപ്പുമാരുടെ നേതൃത്വത്തില് കത്തോലിക്കാ സഭയിലെ മൂന്നു റീത്തിലെയും ഔദ്യോഗിക പ്രതിനിധികള് യോഗം ചേര്ന്നാണ് വിഷയത്തില് തീരുമാനമെടുത്തതെന്ന് ഫാ. തോമസ് തറയില് പ്രസ്താവനയില് വ്യക്തമാക്കി.