ലെസ്റ്റര്‍ സെന്റ് അല്‍ഫോന്‍സാ മിഷനില്‍ വിശുദ്ധ തോമാസ്ലീഹായുടെയും വിശുദ്ധ അല്‍ഫോന്‍സാമ്മയുടെയുംസംയുക്ത തിരുന്നാള്‍ ആഘോഷിച്ചു

ലെസ്റ്റര്‍ സെന്റ് അല്‍ഫോന്‍സാ മിഷനില്‍ വിശുദ്ധ തോമാസ്ലീഹായുടെയും വിശുദ്ധ അല്‍ഫോന്‍സാമ്മയുടെയുംസംയുക്ത തിരുന്നാള്‍ മദര്‍ ഓഫ്ഗോഡ് പള്ളിയില്‍ വച്ച് ജൂലായ് 3, 4, 5, 6, 7 തീയതികളില്‍ ആഘോഷിച്ചു.

 ജൂലായ് മൂന്നിന് വ്യാഴം വൈകുന്നേരം 5:30 മണിക്ക് മദര്‍ ഓഫ്ഗോഡ്പള്ളി വികാരിയും സെന്റ് അല്‍ഫോന്‍സാ സീറോ മലബാര്‍ മിഷന്‍ ഡയറക്ടറുമായ ഫാദര്‍ ഹാന്‍സ് പുതിയാകുളങ്ങര കൊടിമരം വെഞ്ചരിച്ചു കോടിയേറ്റുകയും. തുടര്‍ന്നു വിശുദ്ധ കുര്‍ബാനയും ലദീഞ്ഞും ഉണ്ടായിരുന്നു.

ജൂലായ് നാലിന് വെള്ളിയാഴ്ച വൈകുന്നേരം 5:30 യ്ക്ക് വിശുദ്ധ കുര്‍ബാനയും ലദീഞ്ഞും തുടര്‍ന്ന് വാഹനങ്ങളുടെ വെഞ്ചിരിപ്പും നടന്നു. ജൂലായ് അഞ്ചിന് ശനിയാഴ്ച രാവിലെ 11:30യ്ക്ക് ഡെര്‍ബി, ഗബ്രിയേല്‍ മിഷന്‍ ഡയറക്ടര്‍ ഫാദര്‍ ജോസഫ് കളത്തില്‍ ആഘോഷമായ തിരുനാള്‍ വിശുദ്ധ കുര്‍ബാന അര്‍പ്പിച്ചു തുടര്‍ന്ന് ലദീഞ്ഞും ശേഷം ഒരു മണിക്ക് സ്നേഹവിരുന്നും നടന്നു. 

തുടര്‍ന്ന് ഇടവക അംഗങ്ങളുടെ കലാസാംസ്‌കാരിക പരിപാടികള്‍ ഉള്‍പ്പെടുത്തിയഇടവക ദിനാഘോഷങ്ങളും നടന്നു.

ജൂലായ് ആറിന് ഞായര്‍ വൈകുന്നേരം മൂന്നു മണിക്ക് നടക്കുന്ന ആഘോഷമായ തിരുന്നാള്‍ കുര്‍ബാനയ്ക്ക് (റാസാ) ഗ്രേറ്റ് ബ്രിട്ടന്‍ രൂപത ബിഷപ് മാര്‍ ജോസഫ് സ്രാമ്പിക്കല്‍ നേതൃത്വം നല്‍കി. തുടര്‍ന്ന് ലദീഞ്ഞും പ്രദിക്ഷണവും അതിനു ശേഷം ഉത്പന്ന വസ്തുക്കളുടെ ലേലവും നടന്നു.

 ജൂലായ് ഏഴിന് തിങ്കളാഴ്ച ലെസ്റ്റര്‍ ഇടവക തിരുന്നാളിന് സമാപനം കുറിച്ചുകൊണ്ട്, മരണം വഴി ഈ ലോകത്തില്‍ നിന്നും വേര്‍പ്പെട്ടു പോയ പ്രിയപ്പെട്ടവര്‍ക്കായി വിശുദ്ധ കുര്‍ബാനയും ഒപ്പീസും ഉണ്ടായിരുന്നു.