പൊലീസിനെ ആക്രമിച്ചാല്‍ കടുത്ത ശിക്ഷ, ഓപ്പറേഷന്‍ തൂഫാന് ശേഷം പല സ്ഥലങ്ങളിലും പൊലീസുകാര്‍ അതിക്രമം നേരിടുന്നു: രമേശ് ചെന്നിത്തല

 
chennithala


തിരുവനന്തപുരം: സംസ്ഥാനത്ത് പൊലീസുകാര്‍ക്കെതിരെയുള്ള അതിക്രമം അംഗീകരിച്ചു കൊടുക്കില്ല. ഓപ്പറേഷന്‍ തൂഫാന്‍ ആരംഭിച്ച ശേഷം പല സ്ഥലങ്ങളിലും പൊലീസുകാര്‍ക്ക് നേരെ അതിക്രമം ഉണ്ടാക്കുന്നുണ്ട്. 

എംഡിഎംഎയുമായി വരുന്നവരെ പിടിക്കാന്‍ ശ്രമിക്കുന്നതിനിടയിലാണ് പൊലീസുകാരന് അപകടം പറ്റിയത്. ദീപു രാജ് എന്ന പൊലീസ് ഉദ്യോഗസ്ഥന്റെ കൈ ഒടിഞ്ഞിട്ടുണ്ട്. പൊലീസിനെ ആക്രമിച്ചാല്‍ കടുത്ത നടപടി ഉണ്ടാകും.

അപകടം പറ്റിയ പോലീസുകാരന്റെ ആശുപത്രി ചെലവ് സര്‍ക്കാര്‍ വഹിക്കും. ഓപ്പറേഷന്‍ തൂഫാന് മൂന്ന് ഘട്ടങ്ങളാണുള്ളതെന്ന് മന്ത്രി വിശദീകരിച്ചുതൂഫാന്‍ സ്ട്രൈക്ക്, തൂഫാന്‍ വാരിയര്‍, തൂഫാന്‍ കെയര്‍. പോലിസിന്റെ ശക്തമായ നിയമനടപടികളും അറസ്റ്റും കാപ്പ ചുമത്തലുമൊക്കെയാണ് 'തൂഫാന്‍ സ്ട്രൈക്ക്'. നടന്‍ മോഹന്‍ലാല്‍ ആദ്യ അംബാസഡറായി തുടക്കമിട്ട 'തൂഫാന്‍ വാരിയേഴ്സില്‍' ഇന്ന് 40 ലക്ഷം പേര്‍ അംഗങ്ങളാണ്.

സമ്മേളനത്തില്‍ പങ്കെടുത്ത എല്ലാവരെയും മന്ത്രി തൂഫാന്‍ വാരിയേഴ്സായി പ്രഖ്യാപിച്ചു. മുന്‍പ് ജനങ്ങള്‍ക്ക് ലഹരി മാഫിയയെ പേടിയായിരുന്നെങ്കില്‍ ഇന്ന് മാഫിയകള്‍ക്ക് ജനങ്ങളെയാണ് പേടി. 


വ്യാജ പരാതികള്‍ ഒഴിവാക്കി യഥാര്‍ത്ഥ ലഹരി വ്യാപനം കണ്ടെത്തി പിടികൂടാന്‍ പോലീസിന് കര്‍ശന നിര്‍ദ്ദേശം നല്‍കിയിട്ടുണ്ടെന്നും അദ്ദേഹം പറഞ്ഞു. ബോര്‍ഡ് കോര്‍പ്പറേഷന്‍ നിയമനങ്ങള്‍ വൈകില്ല. യാതൊരു തര്‍ക്കങ്ങളുമില്ല ഉടന്‍ തീരുമാനമുണ്ടാകുമെന്നും അദ്ദേഹം വ്യക്തമാക്കി.

Tags

Share this story

From Around the Web