'ജീവസംരക്ഷണം സാമൂഹ്യ നന്മയ്ക്ക്' . കെസിബിസി പ്രോലൈഫ് സമിതിയുടെ 2026ലെ സംസ്ഥാനതല പ്രോലൈഫ് ദിനാഘോഷം തലശേരി അതിരൂപത പാസ്റ്ററല് സെന്ററില് നടന്നു
തലശേരി: കെസിബിസി പ്രോലൈഫ് സമിതിയുടെ 2026ലെ സംസ്ഥാനതല പ്രോലൈഫ് ദിനാഘോഷം തലശേരി അതിരൂപത പാസ്റ്ററല് സെന്ററില് നടന്നു. 'ജീവസംരക്ഷണം സാമൂഹ്യ നന്മയ്ക്ക് ' എന്നതാണ് ഈ വര്ഷത്തെ ആപ്ത വാക്യം. തലശേരി അതിരൂപത വികാരി ജനറാള് മോണ്. സെബാസ്റ്റ്യന് പാലാക്കുഴി അര്പ്പിച്ച വിശുദ്ധ കുര്ബാനയോടു കൂടി പരിപാടികള്ക്ക് തുടക്കമായി. തുടര്ന്ന് കെസിബിസി പ്രോലൈഫ് സമിതി സംസ്ഥാന പ്രസിഡന്റ് ജോണ്സണ് ചൂരേപ്പറമ്പില് പതാക ഉയര്ത്തി.
സുല്ത്താന് ബത്തേരി രൂപത ബിഷപ് ജോസഫ് മാര് തോമസ് അധ്യക്ഷത വഹിച്ച പൊതുസമ്മേളനം തലശേരി ആര്ച്ച് ബിഷപ്പ് മാര് ജോസഫ് പാംപ്ലാനി ഉദ്ഘാടനം ചെയ്തു. പ്രോലൈഫ് ദിനാഘോഷത്തിന്റെ ഓര്മയ്ക്കായ് പിതാക്കന്മാര് വൃക്ഷത്തെ നട്ടു. കെസിബിസി പ്രോലൈഫ് സംസ്ഥാന സമിതി ചെയര്മാന് ബിഷപ്പ് ഡോ. തോമസ് മാര് യൗസേബിയൂസ് ഓണ്ലൈന് സന്ദേശം നല്കി.
ഡയറക്ടര് ഫാ. ഡോ. ക്ലീറ്റസ് കതിര്പ്പറമ്പില്, ജനറല് സെക്രട്ടറി ജയിംസ് ആഴ്ചങ്ങാടന്, ട്രഷറര് ടോമി പ്ലാത്തോട്ടം, ആനിമേറ്റര്മാരായ സിസ്റ്റര് മേരി ജോര്ജ്, ജോര്ജ് എഫ്. സേവ്യര്, സാബു ജോസ്, തലശേരി അതിരൂപത പ്രോലൈഫ് സമിതി ഡയറക്ടര് ഫാ. ജോബി കോവാട്ട്, പ്രസിഡന്റ് ലോറന്സ് കടിക്കാട്ട്, സീറോ മലബാര് പ്രോ ലൈഫ് അപ്പൊ സ്തലേറ്റ് സെക്രട്ടറി ജോയ്സ് മുക്കുടം, കെസിബിസി പ്രോലൈഫ് സമിതി കള്ച്ചറല് ഫോറം കോ-ഓ ര്ഡിനേറ്റര് ആന്റ്റണി പത്രോസ് തുടങ്ങിയവര് പ്രസംഗിച്ചു.
ടോമി ഓലിക്കല്, സിസ്റ്റര് ലിന്റ് സിഎച്ച് എഫ്, നോബര്ട്ട് കക്കാരിയില്, സെമിലി സുനില്, ഷീബ തെക്കേടത്ത് തുട ങ്ങിയവര് പരിപാടികള്ക്ക് നേതൃത്വം നല്കി. തുടര്ന്ന് 2027 ലെ പ്രോലൈഫ് ദിനാഘോഷങ്ങള്ക്ക് ആതിഥേയത്വം വഹിക്കുന്ന പാറശാല രൂപതയ്ക്കു വേണ്ടി പാറ ശാല പ്രോലൈഫ് സമിതി ഭാരവാഹികള് പതാക ഏറ്റുവാങ്ങി.