പാണക്കാട് തറവാട്ടില് ക്രിസ്മസ് കേക്കുമായി ഊരകം ഫാത്തിമ മാതാ പള്ളി പ്രതിനിധികളെത്തി
മലപ്പുറം: ക്രിസ്മസ് ആഘോഷങ്ങളുടെ ഭാഗമായി ഊരകം ഫാത്തിമ മാതാ പള്ളി പ്രതിനിധികള് പാണക്കാട് സന്ദര്ശിച്ചു. മുസ്ലിം ലീഗ് സംസ്ഥാന അധ്യക്ഷന് പാണക്കാട് സയ്യിദ് സാദിഖ് അലി ശിഹാബ് തങ്ങള്, പി.കെ. കുഞ്ഞാലിക്കുട്ടി എന്നിവര് ചേര്ന്ന് സംഘത്തെ സ്വീകരിച്ചു.
എല്ലാ വര്ഷവും ക്രിസ്മസ് ആശംസകളുമായി പാണക്കാട് എത്തുന്ന പതിവ് ഇത്തവണയും മതസൗഹാര്ദ്ദത്തിന്റെ വലിയൊരു സന്ദേശമായി മാറി.
ഊരകം ഫാത്തിമ മാതാ ചര്ച്ച് വികാരി ഫാദര് സെബാസ്റ്റ്യന് ചെമ്പുകണ്ടത്തില്, സെന്റ് അല്ഫോന്സാ സ്കൂള് പ്രതിനിധി ഫാദര് തോമസ് കണ്ണംപള്ളി, പള്ളി ഭാരവാഹി തങ്കച്ചന് വലിക്കുന്ന, സിസ്റ്റര് ലീലാമ്മ, സിസ്റ്റര് വിജയ എന്നിവരാണ് ക്രിസ്മസ് കേക്കുമായി എത്തിയത്.
പരസ്പര സ്നേഹവും സാഹോദര്യവുമാണ് ആഘോഷങ്ങളുടെ കാതലെന്നും ഇത്തരം ഒത്തുചേരലുകള് നാടിന്റെ ഐക്യം കാത്തുസൂക്ഷിക്കാന് അനിവാര്യമാണെന്നും സാദിഖ് അലി ശിഹാബ് തങ്ങളും പി.കെ. കുഞ്ഞാലിക്കുട്ടിയും ആശംസകള് നേര്ന്നുകൊണ്ട് പറഞ്ഞു.
സ്നേഹവും സന്തോഷവും പങ്കിട്ട സന്ദര്ശനത്തിന് ശേഷം മധുരം വിതരണം ചെയ്താണ് സംഘം മടങ്ങിയത്.