റേഷന് കടകള്ക്ക് ഇന്നും അവധി. ജനുവരിയിലെ റേഷന് വിതരണം നാളെ മുതല്
തിരുവനന്തപുരം: സംസ്ഥാനത്തെ റേഷന് കടകള്ക്ക് ഇന്നും (മന്നം ജയന്തി) അവധി. ജനുവരി മാസത്തെ റേഷന് വിതരണം നാളെ (ശനിയാഴ്ച) ആരംഭിക്കും.
സംസ്ഥാനത്തെ മുന്ഗണനേതര വിഭാഗത്തിലെ വെള്ള, നീല റേഷന് കാര്ഡുകാര്ക്ക് ജനുവരി മാസത്തെ റേഷനൊപ്പം അധികം അരി ലഭിക്കില്ല. അതേസമയം വെള്ള, നീല കാര്ഡുകാര്ക്ക് റേഷന് വിഹിതത്തില് ആട്ട ഉള്പ്പെടുത്തിയിട്ടുണ്ട്.
കഴിഞ്ഞ മാസം വെള്ള കാര്ഡിന് അധിക വിഹിതം കൂടി ചേര്ത്ത് 10 കിലോ അരി ലഭിച്ചിരുന്നു. എന്നാല് ഈ മാസം രണ്ടു കിലോ അരി മാത്രമാകും ലഭിക്കുക.
നീല കാര്ഡിലെ ഓരോ അംഗത്തിനും രണ്ടു കിലോഗ്രാം വീതം അരി ജനുവരി മാസത്തില് ലഭിക്കും. കഴിഞ്ഞ മാസം റേഷനു പുറമെ അധിക വിഹിതമായി 5 കിലോ അരി കൂടി ലഭിച്ചിരുന്നു.
2023 ഓഗസ്റ്റിനുശേഷം മുന്ഗണനേതര വിഭാഗത്തിന് ആട്ട അനുവദിക്കുന്നത് ആദ്യമാണ്. അതത് താലൂക്കുകളിലെ ലഭ്യത അനുസരിച്ച് കാര്ഡ് ഒന്നിന് ഒന്നു മുതല് രണ്ടു കിലോഗ്രാം വരെ ആട്ട കിലോയ്ക്ക് 17 രൂപ നിരക്കില് ലഭിക്കും. എന്പിഐ കാര്ഡിന് പരമാവധി ഒരു കിലോഗ്രാം ആട്ടയാണ് ലഭിക്കുക.
അറ്ലൃശേലൊലിേ
2026 ജനുവരി-ഫെബ്രുവരി-മാര്ച്ച് ക്വാര്ട്ടറില്, വൈദ്യുതി ഉള്ള വീടുകളിലെ അഅഥ കാര്ഡിന് ആകെ 1 ലിറ്റര് മണ്ണെണ്ണയും, പിഎച്ച് എച്ച്, എന്പിഎസ, എന്പിഎന്എസ് കാര്ഡുകള്ക്ക് ആകെ അര ലിറ്റര് മണ്ണെണ്ണയും, വൈദ്യുതി ഇല്ലാത്ത വീടുകളിലെ കാര്ഡുകള്ക്ക് ആകെ 6 ലിറ്റര് മണ്ണെണ്ണയും ലഭിക്കുന്നതാണെന്ന് സിവില് സപ്ലൈസ് വകുപ്പ് അധികൃതര് അറിയിച്ചു.