അടുത്ത മൂന്ന് മണിക്കൂര് മഴയെത്തുക ഈ പത്ത് ജില്ലകളില്
സംസ്ഥാനത്ത് അടുത്ത മൂന്ന് മണിക്കൂര് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യത.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, കോഴിക്കോട്, കണ്ണൂര്, കാസര്ഗോഡ് ജില്ലകളില് ആണ് ഒറ്റപ്പെട്ടയിടങ്ങളില് നേരിയ മഴയ്ക്ക് സാധ്യതയുള്ളതായിട്ടാണ് കേന്ദ്ര കാലാവസ്ഥ വകുപ്പ് അറിയിച്ചത്.
ഇന്ന് അങ്ങനെ ഒരു ജില്ലകളിലും പ്രത്യേക മുന്നറിയിപ്പുകള് നല്കിയിട്ടില്ല. സംസ്ഥാനത്ത് കാലവര്ഷം ദുര്ബലമാകുന്ന സാഹചര്യമാണ് ഉള്ളത്. വിവിധ സമുദ്രമേഖലകളില് ശക്തമായ കാറ്റിന് സാധ്യതയുള്ളതിനാല് ജാഗ്രത പാലിക്കണം.
മധ്യ പടിഞ്ഞാറന് അറബിക്കടല്, അതിനോട് ചേര്ന്ന മധ്യ കിഴക്കന് അറബിക്കടല്, വടക്കന് അറബിക്കടല്, തെക്കു പടിഞ്ഞാറന് അറബിക്കടല്, സോമാലിയ, ഒമാന് തീരങ്ങള്, വടക്കന് ഗുജറാത്ത് തീരം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റിന് സാധ്യതയുള്ളതായിട്ടാണ് കേന്ദ്ര കാലാവസ്ഥ വകുപ്പ് അറിയിച്ചത്.