ബിഹാറിൽ ചോദ്യപേപ്പറും ഉത്തരക്കടലാസും മഴവെള്ളത്തിൽ ഒഴുകിനടന്ന നിലയിൽ. ബക്‌സർ ജില്ലയിലെ പരീക്ഷ കേന്ദ്രത്തിന് പുറത്താണ് സംഭവം. 9, 10, 12 ക്ലാസുകളിലെ ചോദ്യപേപ്പറുകളുടെയും ഉത്തരക്കടലാസുകളുടെയും കെട്ടുകളാണ് ഒഴുകി നടന്നത്. ത്രൈമാസ പരീക്ഷകൾക്കായി ബീഹാർ സ്കൂൾ പരീക്ഷാ ബോർഡ് അയച്ചതാണ് ഈ മെറ്റീരിയലുകൾ.

പരീക്ഷാ രേഖകളുടെ വിതരണത്തിലും കൈകാര്യം ചെയ്യലിലും ഈ സംഭവം വലിയ ആശങ്കയാണ് സൃഷ്ടിച്ചത്. ശ്രദ്ധിക്കപ്പെടാതെ വെള്ളത്തിൽ കിടക്കുന്ന ചോദ്യപേപ്പറുകളുടെ കെട്ടുകളുടെ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിച്ചു. എന്നിരുന്നാലും, ജില്ലാ വിദ്യാഭ്യാസ ഉദ്യോഗസ്ഥർ യഥാർത്ഥ നാശനഷ്ടങ്ങൾ നിഷേധിച്ചു.

പാക്കറ്റുകൾ കർശനമായി അടച്ചിട്ടുണ്ടെന്നും പൂർണ്ണമായും കേടുകൂടാതെയാണെന്നും വിതരണ കാലതാമസമില്ലാതെ പരീക്ഷകൾ ഷെഡ്യൂൾ പ്രകാരം നടന്നതായും ഉദ്യോഗസ്ഥർ അവകാശപ്പെട്ടതായി ഇന്ത്യാ ടുഡേ റിപ്പോർട്ട് ചെയ്യുന്നു.

ഏകദേശം 167 സ്‌കൂളുകളിൽ നിന്നുള്ള ചോദ്യപേപ്പറുകളും ഉത്തരകടലാസുകളും എന്നാണ് വിവരം. ചോദ്യപേപ്പറുകൾക്കും ഉത്തരം കടലാസിലും കേടുപാടുകൾ ഉണ്ടായിട്ടില്ലെന്ന് ഉദ്യോഗസ്ഥർ അറിയിച്ചു. സംഭവത്തിൽ ജില്ലാ ഭരണകൂടം അന്വേഷണത്തിന് ഉത്തരവിട്ടു.