വി.ഡി.സതീശന്റെ വീട്ടുമുറ്റത്ത് വീണ്ടും മലമ്പാമ്പ്
മുഖ്യമന്ത്രി വി.ഡി.സതീശന്റെ ആലുവ ദേശത്തെ വീട്ടുമുറ്റത്തേക്ക് വീണ്ടും മലമ്പാമ്പെത്തി. ഇതിപ്പോള്‍ മൂന്നാം തവണയാണ് മുഖ്യമന്ത്രിയുടെ വീട്ടിലേക്ക് മലമ്പാമ്പെത്തുന്നത്. ബുധനാഴ്ച രാത്രി 11 മണിയോടെയാണ് വീടിന്റെ പോര്‍ച്ചില്‍ പാര്‍ക്ക് ചെയ്തിരുന്ന കാറിനടുത്തേക്ക് പാമ്പ് വന്നത് സുരക്ഷാ ഉദ്യോഗസ്ഥരുടെ ശ്രദ്ധയില്‍പ്പെട്ടത്.
ഉടന്‍ തന്നെ ഉദ്യോഗസ്ഥര്‍ 'സര്‍പ്പ' വൊളന്റിയര്‍മാരെ വിവരം അറിയിച്ചു. സര്‍പ്പ വൊളന്റിയര്‍ ബിനു എത്തിയാണ് പാമ്പിനെ പിടികൂടി വനംവകുപ്പിനു കൈമാറിയത്. മുഖ്യമന്ത്രിയുടെ വീടിനു സമീപത്തു കൂടിയാണ് ചെങ്ങല്‍ത്തോട് ഒഴുകുന്നത്. സമീപത്ത് ഒരു പാടശേഖരവുമുണ്ട്. ഈ ഭാഗത്തുനിന്നാകാം പാമ്പുകള്‍ ഇഴഞ്ഞു വരുന്നതെന്നാണ് കരുതുന്നത്.
അതേസമയം പാമ്പിനെ പിടികൂടുന്ന വിഡിയോക്ക് താഴെ രസകരമായ കമന്റുകളാണ് നിറയുന്നത്. മുഖ്യമന്ത്രിയെ കണ്ട് നിവേദനം കൊടുക്കാന്‍ വന്നതായിരിക്കുമെന്നും ഒരു കാര്യത്തിനിങ്ങനെ മൂന്നുതവണ നടത്തിക്കാമോയെന്നും പ്രതികരണങ്ങളുണ്ട്.
അതേസമയം പാവം പാമ്പ്, മുഖ്യമന്ത്രിയുടെ വസതിയാണെന്നറിയാതെ കയറിപ്പോയതാകുമെന്നും ചിലര്‍ പറയുന്നു. വനംവകുപ്പിനു കൈമാറും മുന്‍പ് ആ പാമ്പിനു പറയാനുള്ളതുകൂടി കേള്‍ക്കണമെന്നും മുഖ്യന്റെ പൂക്കിച്ചിരി ഇഷ്ടപ്പെട്ട് വന്നതാകുമെന്നും വിഡിയോക്ക് താഴെ കമന്റുണ്ട്.