ജീവന്റെ സംരക്ഷണം കോടതിവിധി: സി ബി സി ഐ നിലപാട് പ്രൊ ലൈഫ് അനുമോദിച്ചു
കൊച്ചി: 30 ആഴ്ച പ്രായമായ ഗർഭസ്ഥ ശിശുവിനെ ഗർഭച്ഛിദ്രം ചെയ്യാൻ അനുവദിച്ചുകൊണ്ടുള്ള സുപ്രിം കോടതി വിധിയിൽ ആശങ്ക രേഖപ്പെടുത്തുകയും, ജീവന്റെ മഹത്വം ഉയർത്തിപ്പിടിച്ചുകൊണ്ട് ഭാരതീയ കത്തോലിക്കാ മെത്രാൻ സമിതി (**CBCI**) സ്വീകരിച്ച ശക്തമായ നിലപാടിനെ പ്രൊ ലൈഫ് ഗ്ലോബൽ ഫെലോഷിപ്പ് സ്വാഗതം ചെയ്യുകയും അഭിനന്ദിക്കുകയും ചെയ്തു.
ഓരോ കുഞ്ഞും ഭൂമിക്ക് അനുഗ്രഹമാണെന്നും, ഉദരത്തിൽ വളരുന്ന കുഞ്ഞിന്റെ ജനിക്കാനുള്ള അവകാശം ഏത് അവസ്ഥയിലും സംരക്ഷിക്കപ്പെടണമെന്നുമാണ് കത്തോലിക്കാ സഭയും പ്രൊ ലൈഫ് പ്രസ്ഥാനങ്ങളും പഠിപ്പിക്കുന്നത്. നിയമപരിഷ്കരണങ്ങളും അതിന്റെ വ്യാഖ്യാനങ്ങളും എപ്പോഴും മനുഷ്യജീവന്റെ സംരക്ഷണം ഉറപ്പുവരുത്തുന്നതാകണമെന്ന് പ്രൊ ലൈഫ് ഗ്ലോബൽ ഫെലോഷിപ്പ് ചെയർമാൻ സാബു ജോസ് പറഞ്ഞു.
* **കുഞ്ഞിന്റെ നിസ്സഹായത പരിഗണിക്കണം:**
കോടതിയിൽ ഹർജിയുമായി എത്തുന്ന അമ്മയുടെ ആവശ്യം പരിഗണിക്കുമ്പോൾ തന്നെ, ഉദരത്തിൽ കഴിയുന്ന കുഞ്ഞിന്റെ അവസ്ഥയും കോടതികൾ കാണണം. 30 ആഴ്ച വളർച്ചയെത്തിയ ഒരു കുഞ്ഞിന് വേദന അറിയുവാനും പ്രതികരിക്കുവാനും കഴിയുമെങ്കിലും, തന്റെ അവസ്ഥയും ആവശ്യവും പുറംലോകത്തോട് വിളിച്ചുപറയുവാൻ ആ കുഞ്ഞിന് കഴിയില്ല. ഈ നിസ്സഹായത നീതിപീഠങ്ങൾ വിസ്മരിക്കരുത് - പ്രൊ ലൈഫ് ഫെലോഷിപ്പ് വ്യക്തമാക്കി.
* **വധശിക്ഷയ്ക്ക് തുല്യമായ ക്രൂരത:**
പൂർണ്ണ വളർച്ചയെത്തിയ ഒരു കുഞ്ഞിനെ ഇല്ലാതാക്കുന്നത് **മനുഷ്യ മനഃസാക്ഷിയോടുള്ള** വെല്ലുവിളിയും ക്രൂരമായ വധശിക്ഷയുമാണ്.
ജീവിക്കാനുള്ള മൗലികാവകാശം നിഷേധിക്കുന്ന ഇത്തരം വിധികൾ പുനഃപരിശോധിക്കപ്പെടണം - ചെയർമാൻ സാബു ജോസ് ആവശ്യപ്പെട്ടു.
* **സി.ബി.സി.ഐ നിലപാടിന് പിന്തുണ:**
ജീവന്റെ പക്ഷത്ത് ഉറച്ചുനിൽക്കുന്ന കത്തോലിക്കാ മെത്രാൻ സമിതിയുടെ നിലപാട് മാതൃകാപരമാണ്. സഭ ഉയർത്തുന്ന ഈ ശബ്ദം മനുഷ്യത്വത്തിന് വേണ്ടിയുള്ളതാണ്.
* **കൊല്ലരുത്, കൈമാറൂ:**
ഗർഭസ്ഥ ശിശുവിനെ വളർത്താൻ സാഹചര്യമില്ലാത്തവർക്കായി നിരവധി സന്നദ്ധ സംവിധാനങ്ങൾ നിലവിലുണ്ട്. കുഞ്ഞിനെ കൊന്നു കളയുന്നതിന് പകരം സംരക്ഷിക്കാൻ തയ്യാറുള്ളവർക്ക് വിട്ടുനൽകാൻ ഭരണകൂടവും നീതിപീഠവും മുൻകൈ എടുക്കണം. "കൊല്ലരുത്, കൈമാറൂ" എന്ന ഉദാത്തമായ സന്ദേശമാണ് നടപ്പിലാക്കേണ്ടത്.
മനുഷ്യത്വത്തിന് വിരുദ്ധമായ നീക്കങ്ങൾക്കെതിരെ പൊതുസമൂഹം ജാഗ്രതയോടെ ഒന്നിച്ച് നിൽക്കണമെന്നും പ്രൊ ലൈഫ് നേതൃത്വ സമ്മേളനം ആഹ്വാനം ചെയ്തു.
സാബു ജോസ്
ചെയർമാൻ, പ്രൊ ലൈഫ് ഗ്ലോബൽ ഫെലോഷിപ്പ്*
**9446329343