ബംഗ്ലാദേശ് വിമാനാപകടത്തില്‍ അനുശോചനമറിയിച്ച് ലിയോ പതിനാലാമന്‍ പാപ്പാ
പരിശീലന പരിശീലനത്തിനായി പറന്നുയര്‍ന്ന എഫ് 7 ജെറ്റ് വിമാനം തലസ്ഥാനമായ ധാക്കയിലെ ഒരു സ്‌കൂള്‍ പരിസരത്തു തകര്‍ന്നുവീണു. വിദ്യാലയത്തിന്റെ മുറ്റത്ത് ഉണ്ടായിരുന്ന നിരവധി കുട്ടികളുടെ ശരീരത്തിലാണ് വിമാനം തകര്‍ന്നു വീണത്.
അപകടത്തില്‍ ഇരുപത്തിയഞ്ചോളം കുട്ടികളുള്‍പ്പെടെ നിരവധിയാളുകള്‍ കൊല്ലപ്പെടുകയും, അനേകമാളുകളെ ഗുരുതര പരിക്കുകളോടു കൂടി ആശുപത്രികളില്‍ പ്രവേശിപ്പിക്കുകയും ചെയ്തു. പരിക്കേറ്റവരില്‍ ഭൂരിഭാഗവും 10 നും 15 നും ഇടയില്‍ പ്രായമുള്ളവരായിരുന്നു.
സംഭവത്തില്‍ തന്റെ അഗാധമായ ദുഃഖം രേഖപ്പെടുത്തിക്കൊണ്ട് പരിശുദ്ധ പിതാവ് ലിയോ പതിനാലാമന്‍ പാപ്പായും വത്തിക്കാന്‍ സ്റ്റേറ്റ് സെക്രട്ടറി കര്‍ദിനാള്‍ പിയെത്രോ പരോളിന്റെ കൈയൊപ്പോടുകൂടി ടെലിഗ്രാം സന്ദേശം അയച്ചു.
സന്ദേശത്തിന്റെ പൂര്‍ണ്ണ രൂപം ഇപ്രകാരമാണ്:
'ധാക്കയില്‍ മൈല്‍സ്റ്റോണ്‍ സ്‌കൂളിലെയും കോളേജിലെയും വിദ്യാര്‍ത്ഥികള്‍ ഉള്‍പ്പെട്ട എയര്‍ഫോഴ്‌സ് ജെറ്റ് വിമാനാപകടത്തില്‍ ജീവന്‍ നഷ്ടപ്പെട്ട സംഭവത്തില്‍ ലിയോ പതിനാലാമന്‍ പാപ്പാ അതീവ ദുഃഖിതനാണ്. മരണപ്പെട്ടവരെ ദൈവത്തിന്റെ കരുണാമയ സ്‌നേഹത്തിനു അദ്ദേഹം ഭരമേല്പിക്കുന്നു. മരണപ്പെട്ടവരുടെ കുടുംബങ്ങളും സുഹൃത്തുക്കളും അവരുടെ ദുഃഖത്തില്‍ സാന്ത്വനം കണ്ടെത്തുന്നതിനും, പരിക്കേറ്റവരുടെ സൗഖ്യത്തിനുംആശ്വാസത്തിനും വേണ്ടി പ്രാര്‍ത്ഥിക്കുന്നു. അപകടത്തില്‍ ഇരകളായവര്‍ക്കും, വിദ്യാലയ സമൂഹത്തിനും ദൈവാനുഗ്രഹത്താല്‍ സമാധാനവും കരുത്തും കണ്ടെത്തുന്നതിനായി പരിശുദ്ധ പിതാവ് പ്രാര്‍ത്ഥിക്കുകയും ചെയ്യുന്നു.
ജനസാന്ദ്രതയുള്ള പ്രദേശങ്ങളില്‍ നിന്ന് കൂടുതല്‍ ജനവാസമില്ലാത്ത സ്ഥലത്തേക്ക് വിമാനം തിരിച്ചുവിടാന്‍ പൈലറ്റ് എല്ലാ ശ്രമങ്ങളും നടത്തിയെങ്കിലും പരാജയപ്പെടുകയായിരുന്നു.