ലോക സമാധാനത്തിനായി ലിയോ പതിനാലാമൻ പാപ്പയുടെ നേതൃത്വത്തില് ഇന്ന് വത്തിക്കാനില് പ്രാര്ത്ഥന
Apr 11, 2026, 17:11 IST
ലോക സമാധാനത്തിനായി ലിയോ പതിനാലാമൻ പാപ്പയുടെ നേതൃത്വത്തില് ഇന്ന് വത്തിക്കാനില് പ്രാര്ത്ഥന. ലോകത്തിന്റെ വിവിധ ഭാഗങ്ങളിൽ സംഘർഷങ്ങളും യുദ്ധങ്ങളും വ്യാപിക്കുന്ന പശ്ചാത്തലത്തില് സമാധാനം വീണ്ടെടുക്കാനും, യുദ്ധങ്ങളും സംഘർഷങ്ങളും അവസാനിക്കാനും വേണ്ടിയാണ് വത്തിക്കാനില് പ്രാര്ത്ഥന നടത്തുന്നത്. ഏപ്രിൽ 11 ശനിയാഴ്ച വൈകുന്നേരം 6:00 മണിക്ക് ആരംഭിക്കുന്ന പ്രാർത്ഥനാ ശുശ്രൂഷകൾ ഇന്ത്യൻ സമയം രാത്രി 9:20-ന് വത്തിക്കാനിലെ വിശുദ്ധ പത്രോസിന്റെ ബസിലിക്കയിൽ ആരംഭിക്കും. ഈസ്റ്റര് ദിനത്തില് വത്തിക്കാനില് നല്കിയ 'ഉര്ബി ഏത്ത് ഓര്ബി' സന്ദേശത്തിലാണ് ലിയോ പാപ്പ ജാഗരണ പ്രാര്ത്ഥനയുടെ കാര്യം ആഗോള വിശ്വാസി സമൂഹത്തെ അറിയിച്ചത്.