അമേരിക്കൻ പ്രസിഡന്റ് ഡൊണാൾഡ് ട്രംപിനേക്കാൾ ജനപ്രീതിയിൽ ബഹുദൂരം മുന്നിലെത്തി ലിയോ പതിനാലാമൻ പാപ്പ

അമേരിക്കൻ പ്രസിഡന്റ് ഡൊണാൾഡ് ട്രംപിനേക്കാൾ ജനപ്രീതിയിൽ ബഹുദൂരം മുന്നിലെത്തി ലിയോ പതിനാലാമൻ പാപ്പ. പ്രമുഖ അന്താരാഷ്ട്ര വാർത്താ മാധ്യമമായ 'ദി ഇക്കണോമിസ്റ്റ്', ആഗോള ഡാറ്റാ കമ്പനിയായ 'യൂഗോവ്' (The Economist/YouGov) എന്നിവർ സംയുക്തമായി നടത്തിയ ഏറ്റവും പുതിയ സർവേയിലാണ് ഞെട്ടിക്കുന്ന വിവരങ്ങളുള്ളത്. സർവേ പ്രകാരം അഖണ്ഡതാ റേറ്റിംഗിൽ (Net Favorability) ട്രംപിനേക്കാൾ 54 ശതമാനം മുന്നിലാണ് പാപ്പ. മേയ് 29 മുതൽ ജൂൺ 1 വരെ നടത്തിയ സർവേയുടെ ഫലം ജൂൺ 2-നാണ് പുറത്തുവിട്ടത്. ആർട്ടിഫിഷ്യൽ ഇന്റലിജൻസ് (AI) ഉയർത്തുന്ന മാനുഷിക വെല്ലുവിളികളെക്കുറിച്ച് പാപ്പ പുറത്തിറക്കിയ "മാഗ്നിഫിക്ക ഹ്യൂമാനിറ്റാസ്" (Magnifica Humanitas) എന്ന വിജ്ഞാപനത്തിന് തൊട്ടുപിന്നാലെയാണ് വോട്ടെടുപ്പ് നടന്നത്. ഇറാൻ യുദ്ധ പശ്ചാത്തലത്തിൽ അമേരിക്കൻ പൊതുസമൂഹത്തിൽ നിലനിൽക്കുന്ന അതൃപ്തിയും സർവേ ഫലത്തെ സ്വാധീനിച്ചിട്ടുണ്ട്.