പ്രത്യാശയിൽ തുടരാൻ ഗാസയിലെ ജനങ്ങളോട് ആഹ്വാനം ചെയ്ത് ലെയോ പാപ്പയുടെ സന്ദേശം

ഗാസയിലെ ഹോളി ഫാമിലി ഇടവകയുടെ വികാരി ഫാദർ ഗബ്രിയേൽ റൊമാനെല്ലി, ലെയോ പതിനാലാമൻ മാർപാപ്പയിൽ നിന്ന് തനിക്ക് ലഭിച്ച സന്ദേശത്തെക്കുറിച്ച് വെളിപ്പെടുത്തുന്നു. 

മെയ് നാലിന് ഹോളി ഫാമിലി ഇടവകയിലേക്ക് ലെയോ പാപ്പ അയച്ച സന്ദേശത്തിൽ യഥാർഥ സമാധാനം സംജാതമാകുന്നതിനുള്ള പ്രത്യാശ പാപ്പ പ്രകടിപ്പിച്ചിരുന്നു.

ഫാദർ ഗബ്രിയേൽ റൊമാനെല്ലി ഇൻസ്റ്റാഗ്രാമിൽ പോസ്റ്റ് ചെയ്ത വീഡിയോയിലൂടെയാണ് പരിശുദ്ധ പിതാവിന്റെ സന്ദേശം അറിയിച്ചത്.

“ഗാസയിലെ യുദ്ധം അവസാനിക്കുന്നതിനും, ഇടവകയ്ക്കും, എല്ലാ തദ്ദേശവാസികൾക്കും വേണ്ടിയും, തന്റെ സാമീപ്യം, പ്രാർഥനകൾ, മുഴുവൻ സാഹചര്യത്തോടുള്ള ഉത്കണ്ഠ എന്നിവ പ്രകടിപ്പിച്ചുകൊണ്ട്, മാർപാപ്പയുടെ പ്രാർഥനകൾ അറിയിച്ചിട്ടുണ്ട്.” ഫാ. റൊമാനെല്ലി വീഡിയോ സന്ദേശത്തിലൂടെ പറഞ്ഞു.

“പാപ്പ എപ്പോഴും നമ്മെ അനുഗ്രഹിക്കുകയും പ്രത്യാശയോടെ ജീവിക്കാൻ പ്രോത്സാഹിപ്പിക്കുകയും ചെയ്യുന്നു.

ഗാസ മുനമ്പിൽ സ്ഥിതി വളരെ ദുർബലമായി തുടരുന്നു, അതിനാൽ പരിശുദ്ധ പിതാവിന്റെ വാക്കുകൾ, പ്രാർഥന, മുഴുവൻ സഭയുടെയും ലോകമെമ്പാടുമുള്ള സമാധാനം ആഗ്രഹിക്കുന്ന നിരവധി ആളുകളുടെയും പ്രാർഥന എന്നിവ മുന്നോട്ട് പോകാനും നന്മ ചെയ്യാനും നമ്മെ എപ്പോഴും പ്രോത്സാഹിപ്പിക്കുന്നു,” അദ്ദേഹം കൂട്ടിച്ചേർത്തു.

“ഒക്ടോബറിൽ ആരംഭിച്ച വെടിനിർത്തൽ സ്ഥിതിഗതികൾ ഒരു പരിധിവരെ മെച്ചപ്പെടുത്തിയിട്ടുണ്ട്, അതായത് ബ്ലാങ്കറ്റ് ബോംബിംഗുകളൊന്നുമില്ല;

എന്നിരുന്നാലും, ആളുകൾ ഇപ്പോഴും മരിക്കുന്നു, കൊല്ലപ്പെടുന്നു. ഇതുവരെ 800-ലധികം പേർ കൊല്ലപ്പെട്ടു. 

കൂടാതെ, മാനുഷിക സഹായം, വെള്ളം, വൈദ്യുതി, ജീവിതത്തിനാവശ്യമായ അടിസ്ഥാന ആവശ്യങ്ങൾ എന്നിവയുടെ കടുത്ത ക്ഷാമം ഇപ്പോഴും നിലനിൽക്കുന്നുണ്ട്.

ഈ സ്ഥിതി മെച്ചപ്പെടുമെന്ന പ്രതീക്ഷയുണ്ട്,” ഫാ. റൊമാനെല്ലി വെളിപ്പെടുത്തി.