വിദ്യാര്‍ഥി കൊണ്ടുവന്ന പെപ്പര്‍ സ്‌പ്രേ അടിച്ചു; 6 പ്ലസ് ടു വിദ്യാര്‍ഥികള്‍ക്കും അധ്യാപികയ്ക്കും ദേഹാസ്വാസ്ഥ്യം, ആശുപത്രിയില്‍ പ്രവേശിപ്പിച്ചു
തിരുവനന്തപുരം: കല്ലിയൂര്‍ പുന്നമൂട് സ്‌കൂളില്‍ വിദ്യാര്‍ഥിയുടെ പെപ്പര്‍ സ്‌പ്രേ ആക്രമണം. സംഭവത്തില്‍ 6 പ്ലസ് ടു വിദ്യാര്‍ഥികള്‍ക്കും ഒരു അധ്യാപികയ്ക്കും ശാരീരിക ബുദ്ധിമുട്ടുണ്ടായതിനെ തുടര്‍ന്ന് ഉടന്‍ തന്നെ ഇവരെ തിരുവനന്തപുരം ജനറല്‍ ആശുപത്രിയില്‍ എത്തിച്ചെങ്കിലും പിന്നീട് തിരുവനന്തപുരം മെഡിക്കല്‍ കോളജ് ആശുപത്രിയിലേക്ക് മാറ്റുകയായിരുന്നു.
പെപ്പര്‍ സ്‌പ്രേ അടിച്ച് അധ്യാപിക തലകറങ്ങി വീണുവെന്നാണ് വിവരം. മൂന്ന് വിദ്യാര്‍ഥികളുടെ ആരോഗ്യനില മോശമാണെന്ന് ആശുപത്രി അധികൃതര്‍ വ്യക്തമാക്കുന്നു. സ്‌കൂളിലെ ഒരു വിദ്യാര്‍ഥി കൊണ്ടുവന്ന പെപ്പര്‍ സ്‌പ്രേയാണ് അധ്യാപികയ്ക്കും മറ്റ് വിദ്യാര്‍ഥികള്‍ക്കു നേരെ ഉപയോഗിച്ചത്.
വിദ്യാര്‍ഥികള്‍ തമ്മില്‍ പെപ്പര്‍ സ്‌പ്രേ അടിച്ചുകളിക്കുകയായിരുന്നുവെന്നും. അങ്ങിനെ കളി കാര്യമാകുകയായിരുന്നുവെന്നുമാണ് സ്ഥിരീകരിക്കാത്ത വിവരം.