ഓപ്പറേഷന് ബാര്കോഡ്: സംസ്ഥാനത്തെ ബാര് ഹോട്ടലുകളില് വിജിലന്സിന്റെ പരിശോധന
തിരുവനന്തപുരം: സംസ്ഥാനത്തെ ബാര് ഹോട്ടലുകളില് വിജിലന്സിന്റെ പരിശോധന. വ്യാജമദ്യം വില്പ്പന നടത്തുവെന്ന പരാതിയെ തുടര്ന്നാണ് പരിശോധന നടത്തുന്നത്.
ഓപ്പറേഷന് ബാര്കോഡ് എന്ന പേരിലാണ് പരിശോധന. എക്സൈസ് സര്ക്കിള് ഓഫീസുകളിലും പരിശോധന നടത്തുന്നുണ്ട്. ഉദ്യോഗസ്ഥര് കൈക്കൂലി വാങ്ങി ക്രമക്കേടിന് കൂട്ടു നില്ക്കുന്നുവെന്നും പരാതി.
അതേസമയം പുതുവത്സരാഘോഷത്തോട് അനുബന്ധിച്ച് ഫോര്ട്ട് കൊച്ചിയിലെ ലഹരി പാര്ട്ടികള്ക്ക് പൂട്ടിടാന് പൊലീസും എക്സൈസും.
റിസോര്ട്ടുകളില് ഉള്പ്പടെ പരിശോധന ശക്തമാക്കാനാണ് തീരുമാനം. പരിശോധനക്ക് പ്രത്യേക സ്ക്വാഡിനെ രൂപീകരിക്കുമെന്ന് ഫോര്ട്ട് കൊച്ചി പൊലീസ് അറിയിച്ചു.
ന്യൂയര് ആഘോഷിക്കാന് വിദേശികള് അടക്കം പതിനായിരങ്ങള് ഫോര്ട്ട് കൊച്ചിയിലേയ്ക്ക് എത്തുന്നത്. ഫോര്ട്ട് കൊച്ചിയിലെ വിവിധ ഭാഗങ്ങളില് നിശാപാര്ട്ടികള് സജീവമാകുമെന്നാണ് പൊലീസിന് ലഭിച്ച റിപ്പോര്ട്ട്.
അനുമതിയില്ലാതെ നിശാ പാര്ട്ടികള് നടത്തുന്നത് പൂട്ടിടാനാണ് തീരുമാനം. ലഹരി പരിശോധന തടയാന് പബുകളിലും റിസോര്ട്ടുകളിലും പരിശോധനയ്ക്ക് പ്രത്യേക സ്ക്വാഡ് ഇറങ്ങും.